Luk 24:19 - Aria New Testament

¹⁹ E iye pmi isak langane. “Elio lange?” E tikoli tiwai langane. “Wan ka la ke Yesus ka Nasaret ina. Iye gute napaprangan ina e iye arit iye ke ila pelengon e ila elio ke Ida Tapolngon bitna e ke osep ka pula keniye amtarsak blang.

Luk 24:19 ပူးပေါင်းရင်းမြစ်များ

Matyu 21:11

E osep pula pula tikoli tiwai langane. “Gute ane iye gute napaprangan ina Yesus ka me ke armok Nasaret ka dong ke omur Galili.”

Mak 1:24

“Yesus ka Nasaret ina wom lange wom ka omo omdong are? Omo ma ampaiavu imi? Ngaile omur ke wom. Wom Ida Tapolngon Otno Arang itau ka iye pagei wom omo.”

Luk 24:18

E gute kene ke isak ka angaine Kliopas koli wai langane. “Wom gute kaulei ke Jerusalem e wom kene vala emile elio ka polou ke armok ane oku ane kovok i?”

Luk 7:16

E osep keniye tiulou tarna lisak e tikakai Ida Tapolngon angaine tito e tiwai langane. “Gute napaprangan ina ka angaine omba polou airavu ke ite.” E tiwai silang blang langane. “Ida Tapolngon me ma iye lua ila osep kodong.”

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 4:19

E apmang wai ke iye langane. “Gute. Aitno lungong mter wom gute napaprangan ina gesa.

Jon 6:14

Osep are tivati elio arit ina ka nisngen ka Yesus due e tiwai pulu langane. “Lokono. Gute ane gute napaprangan ina ka oglou Moses wai ma iye me ke taklak.”

Jon 7:52

Deka tikoli tiwai ke iye langane. “Wom blang gute Galili ina? Amnana ke Ida Tapolngon ila pelengon e ma emile gute napaprangan ina gesa me ke omur Galili kovok.”

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 2:22

Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.

Aposel 7:22

Moses dong kap apmang tonari e osep Isip ina tiparere iye itau ke urok elio. Ari Moses arit iye ke ila pelengon e ila elio.”