Luk 23:5 - Aria New Testament

⁵ E tiwai dagar langane. “Gute ane sruk osep aitno lisak ke omur Judia keniye nogrum ke omur Galili e me ke armok ane.”

Luk 23:5 ပူးပေါင်းရင်းမြစ်များ

Matyu 11:1

Yesus palongo ila disaipel songotno orwo ke pelengon tonari yagos deka iye la e nogrum parere osep e napapra ke armok armok ke omur are.

Matyu 2:1

Maria divir Yesus ke armok Betleham ka dong ke omur Judia. Alo ari gute Herot vri mgo ke omur Judia. Maria divir Yesus kodong deka osep ka tile omur ke wan bitna bitna time ke armok Jerusalem. Tisongon urok omur ka dong ke omur ka oklou tito ine e time ke Jeruaslem. Tipolou ine e tiwai langane.

Matyu 27:24

Alo ka Pailat ile tiklingen ila pelengon kovok e isuk boto evlei omba polou iye due aki e ris limla ke amtarsak e wai ke isak langane. “Gute ane ina metengen batne dong ke ngong kovok. Ane lumu wan vala.”

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Mak 1:14

Alo ka osep tidue Jon la sep ke kalabus deka ari Yesus polou ke omur Galili e napapra Ida Tapolngon ila omon itau lokono ke osep.

Luk 11:53

Alo ka Yesus songon ninu are osep Farisi ina e osep ka tile itau ke Moses ila sogongon aitno lisak amnga ke iye e tipmi iye ke pmingen pula ma iye wai ke wan bitna bitna.

Luk 23:23

E tidaiku omba e tiwai dagar ma tinilim iye ke ina akai e sasi boto sasi boto urok pelengon mole Pailot ila pelengon.

Luk 23:6

Alo ka Pailot klingen pelengon tonari iye pmi isak langane. “Gute ane gute Galili ina i?”

Jon 1:43

Oklou silang polou e Yesus aitno mter ma iye la ke omur Galili. E alo ka iye la iye pado Filip e wai ke iye langane. “Emdidi ngong.”

Jon 19:15

E tidaiku langane. “Umapaur iye la. Ma iye la. Umenilim iye ke ina akai.” E Pailat wai ke isak langane. “Umawaiki nganilim gute ka vri mgo ke umu ke ina akai?” E osep loulou ina ka omba tikoli tiwai ke iye langane. “Sisar vala iye gute ka vri mgo ke imi.”

Jon 2:11

Elio ane elio arit ina ka nisngen mgongon ina ka Yesus due. Iye due ke Kena ka dong ke omur Galili. Ke elio ane iye nis osep iye gute ka itau lokono e ila arit ombatno. E ila disaipel aitno lisak la dagar ke iye.

Jon 7:41

E osep leklou tiwai langane. “Gute ane iye gute Krais ka Ida Tapolngon rere ma iye lua osep ke urok elio epmes ina.” E osep leklou blang tiwai langane. “Aurou. Gute Krais ma me ke omur Galili kovok.

Jon 7:52

Deka tikoli tiwai ke iye langane. “Wom blang gute Galili ina? Amnana ke Ida Tapolngon ila pelengon e ma emile gute napaprangan ina gesa me ke omur Galili kovok.”

Aposel 10:37

Mgo Jon nogrum napapra ke elio paunimngen ina ke omur Galili. Deka mase ila pelengon la ke omur Judia keniye e umeile ine.

Aposel 23:10

Ari osep tikot pulu omba deka osep ola ina inarak plaungan ka mgo vati elio ane e iye lim ine. Kesua iye ulou tarna langka osep tipi pulu Pol ma Pol pampamu ine notrum e ma iye mete. Deka iye wai ke osep ola ina langane. “Umala umoduru umepi Pol ke isak deka umapaur iye ke limem ninu.” Deka osep ola ina tididi ila pelengon.

Aposel 5:33

Tiklingen osep aposel urok pelengon deka aitno lisak nevlik omba e aitno lisak amnga ke isak. Deka tiwaiki tidue burwa ke isak.

Aposel 7:54

Osep tiklingen Stiven ila pelengon deka aitno lisak nevlik amnga lokono ine.

Aposel 7:57

Iye wai langane deka osep tonari tidaiku omba e limsak kading talsak. Deka isak keniye tisuong tipolou ke iye e tikis iye dagar lokono.