Luk 23:2 - Aria New Testament

² Tipolou ke Pailot bitna e tisin elio vri ke Yesus e tiwai langane. “Imavati gute ane pagolgol imi osep Yuda ina aitno limi. Iye waiki imekli takis ke Sisar kovok e wai iye tona gute Krais ka Ida Tapolngon rere ma iye lua osep e iye vri mgo ke isak.”

Luk 23:2 ပူးပေါင်းရင်းမြစ်များ

Matyu 17:27

E dau lama osep aitno lisak soulu ke ite amla ke aki e omkngo lodu. E omklok ene ke lodu ka omdue mgo e ma ampado mani. Omdue mani tonari e emkli takis ke wom e ngong ine.”

Matyu 22:21

E tikoli tiwai Sisar ano e angaine dong ine. Deka Yesus wai ke isak langane. “Umakar Sisar ila wan ke iye e langane blang umakar Ida Tapolngon ila wan ke iye.”

Matyu 27:11

Yesus vri ke gute ka vri mgo ke osep Rom ina ke omur are bitna e gute tonari pmi iye langane. “Wom gute ka vri mgo ke osep Yuda ina?” E Yesus koli wai langane. “Wom tona amwai ine.”

Mak 12:17

Deka Yesus wai ke isak langane. “Langka wan ka Sisar ila wan deka umakare ke iye. E langane blang wan ka Ida Tapolngon ila wan deka umakare ke iye.” Yesus wai langane deka osep tonari aitno lisak mter pula ine.

Mak 15:2

Deka Pailat pmi Yesus langane. “Wom gute ka emvri mgo ke osep Yuda ina?” Deka Yesus koli wai langane. “Ngong gute ka amwai ine.”

Luk 23:14

E iye wai ke isak langane. “Umapaur gute ane me ke ngong e umawai iye sruk osep aitno lisak ma aitno lisak soulu ke osep gavman ina. Ngaklingen ila pelengon ke omtomu e aitno lungong mter lumu sinngen elio ke gute ane batne dong kovok.

Luk 23:5

E tiwai dagar langane. “Gute ane sruk osep aitno lisak ke omur Judia keniye nogrum ke omur Galili e me ke armok ane.”

Jon 18:29

Deka Pailat la ke isak e wai langane. “Umesin elio lange vri ke gute ane?”

Jon 18:30

E tikoli tiwai langane. “Langka gute ane gute soulu bitna kovok ma imapaur iye ke wom kovok.”

Jon 19:12

Pailat klingen pelengon ane deka iye krim ekreng ma iye karanga songon Yesus la. E osep Yuda ina tidaiku omba langane. “Langka omsongon gute ane la wom Sisar ila aten kovok. Kesua gute ka wai iye vri mgo ke omur gesa iye Sisar ina oul.”

Aposel 24:13

Elio ka tisine vri ke ngong batne dong ge? Aurou. Sinngen elio ka tisine vri ke ngong batne dong kovok.

Aposel 24:5

Imi ane imavati gute ane due elio soulu lokono polou. Iye lila kap imi osep Yuda ina e sruk osep pula aitno lisak. Iye due elio langane ke omur ka pula keniye. Silang iye mgo ke osep ka tisir isak osep ka gute Nasaret ina.

Pas ka Pol sogoe uti la ke osep Rom ina 13:7

E silang blang langane. Umekli takis bitna bitna ka osep gavman ina tiwai ine. E silang blang umodue anit ke osep ka Ida Tapolngon rere isak ke urok bokongon.