Luk 21:34 - Aria New Testament

³⁴ “E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong.

Luk 21:34 ပူးပေါင်းရင်းမြစ်များ

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Mak 13:9

“Umaplau umu itau. Ma osep leklou tikar umu ke osep ka tikotim umu batne ke ngong. Ma osep leklou tiules umu ke lumu duningen ina ninu batne ke ngong. Ma osep tidue umu umopolou ke osep leklou ka tiplau omur emkil gesa e ke osep leklou ka tivri mgo ke omur gesa amtarsak ma tiklingen lumu pelengon batne ke ngong. Deka alo ka umevri ke osep tonari amtarsak ma umawai ke isak ke Ida Tapolngon ila omon itau.

Mak 4:19

E mase aitno lisak kro ke elio bitna bitna ka taklak ina e aitno lisak mter ke mani. E tiwaiki tidue wan isuk isuk ma urok wan pula pula. Deka pelengon tonari karanga lua isak ke urok elio isuk isuk kovok.

Luk 10:41

E Ida Puda koli wai ke iye langane. “Marta Marta aitno lugom mter e kro ke wan pula.

Luk 12:40

E umu blang umodong eriar langare. Kesua Gute Ka Polou Langka Osep ma me alo ka aitno lumu mter ine kovok.”

Luk 17:3

E umaplau umu itau. Langka gute gesa ke lumu osua due elio soulu deka umawai malak ke iye e umenis iye ke ila elio soulu. E langka iye bauluk aitno ke ila elio soulu deka umasak ila elio.

Luk 21:35

Kesua elio tonari ma polou ke osep ka pula keniye ka tidong ke taklak.

Luk 21:8

E Yesus koli wai ke isak langane. “Umaplau umu itau lama osep tiyak umu. Kesua osep pula ma time e tisir angain ngong e tiwai langane. ‘Ngong tona gute Krais.’ E osep leklou ma tiwai langane. ‘Alo ka Krais iding me isuk boto polou.’ E umedidi urok pelengon sakam.

Luk 8:14

E londo ka tiduru timunu ke omur ka galou marak dong ine isak langka osep ka tiklingen omon itau e dau aitno lisak kro ke wan ka taklak ane ina. E aitno lisak mter ke wan bitna bitna ke taklak ka due aitno lisak itau e aitno lisak mter pula ke mani. E londo tonari anino kovok.

1 Korin 5:11

E langane. Lou pelengon batne langane. Langka gute gesa ka sir iye tona Kristen due elio okwa koke iye ngale wan koke aitno la ke sapingen koke bitna mluk gute silang koke iye inim aki dagar ma bitna balilu koke iye panako osep leklou urok wan bitna bitna deka ma umakaranga umodong kap iye kovok. E silang ma umangen kap gute ka ila elio langane kovok.

1 Korin 6:10

E osep ka tipanako e osep ka tingale osep leklou urok wan e osep ke tinim aki dagar ma amtarsak balilu e osep ka amtarsak mluk osep leklou e osep ka tinak osep leklou urok wan. Osep ka langane ma tikaranga tidong ke omur ka Ida Tapolngon plaue kovok.

Galesia 5:20

E osep tilotuim sapingen e tidue muso e tidue burwa e aitno lisak engil e tidue amnga e aitno lisak soulu. E tingale gute silang ila wan e aitno lisak vri ke isak tona e orsak mluk pulu e tidardar ke osua osua.

Filipai 4:6

Aitno lumu kro ke wan gesa kovok. Aurou. Aling aling umepmi Ida Tapolngon ke wan bitna bitna ka ma lua umu. E silang blang umawai tenkyu ke wan ka pula keniye ka iye due.

Hibru 12:15

Umeile umu itau lama umopul dogur ke Ida Tapolngon ila makaingan. E umeile umu itau lama gute gesa airavu ke umu polou langka wan ka meli e ila elio due elio soulu polou ke osep leklou e elio tonari due asmel ke osep pula.

2 Pita 3:10

E Ida Puda ila oklou ma polou suong e polou alo ka osep aitno lisak mter ine kovok eriar langka gute panakongon ina me suong. Ke oklou tonari ngus omba ma polou e sirva la yagos. E eiou ka engil lokono ma ngen wan ka pula keniye ka dong ke taklak ma isak e taklak yagos.

2 Pita 3:14

Sipmi. Ngong lana ngong ke umu e ngawai langane. Umapara ke alo ka wan tonari polou deka umu arit umu ma umodue elio itau vala ma umodong itau ke Ida Tapolngon bitna. E aitno lumu dong epen kap iye.

Pelengon kukwopngon 3:3

Omtomu sisir pelengon ka oglou umoklingen ine e umekise dagar. E umedidie itau e umabauluk aitno lumu ke lumu elio epmes ina. Langka umakaranga umetipa e umetito kovok ma ngame ke umu suong langka gute panakongon ina me suong. E umakaranga umeile alo ka ma ngame kovok.