Luk 20:47 - Aria New Testament

⁴⁷ Tiwai ka apmang ka sasap batne e tiyak isak e tipanako urok ninu ninu e urok wan bitna bitna. E silang blang alo ka tiwai itau ke Ida Tapolngon tiyakyak e tiwai tauni kesua tiwaiki osep pula tipalem isak. E elio ka Ida Tapolngon mulu osep ka tidue langane ma mole elio ka iye mulu osep leklou.”

Luk 20:47 ပူးပေါင်းရင်းမြစ်များ

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Mak 12:40

Tiwai ke apmang ka sasap batne deka tiyak isak e tidue urok wan. Alo ka tiwai itau ke Ida Tapolngon tiwai tauni kesua batne tiwaiki osep pula tipalem isak ma bina lisak tito. E elio ka Ida Tapolngon mulu osep ka tidue elio langane ma mole elio ka iye mulu osep leklou.”

Luk 12:1

E alo ari osep pula pula langka tausen tausen tiduni pulu are e kamsak tipes pulu. Deka Yesus wai ke ila disaipel langane. “Umaplau umu itau ke osep Farisi ina urok elio ka langka yis. Yis tonari elio ka aitno lisak orwo e tiwaiki tiyak osep ke urok elio lokono.

Luk 20:46

“Umaplau umu itau ke osep ka tile itau ke Moses ila sogongon. Kesua tiwaiki tilila ke urok molo ka alang e tiwaiki osep tidue anit ke isak e tiwai ‘oklou itau’ ke isak ke bilmu. E tiwaiki tidong ke kova ka mgongon ke duningen ina ninu e tidong ke kova ka osep tidue anit ke osep ka tidong ine ke rogo.

Luk 21:1

Yesus bitna tito e iye vati osep ka urok mani pula tiuri mani ka tiwaiki la ke Ida Tapolngon ke karoro ka dong ke Ida Tapolngon ila ninu.

1 Tesalonaika 2:5

Umeile langane kodong. E Ida Tapolngon ma palongo ine langane blang. Imawai pelengon langka dikngen ke umu kovok e silang blang imangale lumu wan deka imawai pelengon itau ke umu kovok.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

Jems 3:1

Sipmi. Ngawai ke umu lang-ane. Umu pula umopolou osep parerengen ina ma umaparere osep ke Ida Tapolngon ila pelengon kovok. Kesua mase alo ka Ida Tapolngon wade osep ka pula keniye urok elio ma iye vati imi osep parerengen ina limem elio e wade imi ine lokono.