Luk 20:14 - Aria New Testament

¹⁴ E alo ka osep tivati gute otno arang me tiwai pulu langane. ‘Gute ane ma due wan matamuli ke timla e oku ane ma itodue burwa ke iye e ma itodue wan matamuli.’

Luk 20:14 ပူးပေါင်းရင်းမြစ်များ

Matyu 16:7

E osep disaipel tiwai pulu langane. “Iye wai langane kesua itodue bret kovok.”

Matyu 21:25

Lou pmingen langane. Gute Jon didi sei aitno deka iye paunim osep? Iye didi Ida Tapolngon aitno koke iye didi osep aitno lisak?” Deka timter pelengon pulu langane. “Langka itawai ‘iye didi Ida Tapolngon aitno’ iye ma pmi ite langane. ‘Ina lange aitno lumu la dagar ke iye kovok?’

Matyu 21:34

Mase alo ka lana ka galou wain toru ine sisiou polou yage ina gute pagei ila wokboi nating leklou ma tidue ila aman ke galou wain toru ine.

Luk 19:47

E oklou kene kene iye parere osep ke omur ka lelei Ida Tapolngon ila ninu. E osep loulou ina ka omba e osep ka tile itau ke Moses ila sogongon e osep namormor ke osep Yuda ina tiwaiki tidue burwa ke iye.

Luk 20:13

Deka yage ina gute aitno mter ke wansua ma iye due. Deka iye wai langane. ‘Ma ngapagei erigu arang ka ngong lana ngong ke iye. Aitno lungong langka ma tidue anit ke iye.’

Luk 20:15

Deka tiuri iye ke yage dogur e tidue burwa ke iye.” Deka Yesus pmi osep langane. “Aitno lumu lange? Ma yage ina gute due wansua ke osep tonari?

Luk 20:19

Alo ari osep ka tile itau ke Moses ila sogongon e osep loulou ina ka omba tikrim ekreng ma suong tidue Yesus sep ke kalabus kesua tile alo ka iye wai pelengon ano tonari lana ine la ke isak. E tidue kovok kesua tilim ke osep.

Luk 20:5

E tiwai pulu ine langane. “Langka itawai Jon didi Ida Tapolngon aitno ma Yesus pmi ite langane. ‘Ina lange aitno lumu la dagar ke Jon kovok?’

Luk 22:2

E osep loulou ina ka omba e osep ka tile itau ke Moses ila sogongon tikrim ekreng ma tidue burwa ke Yesus kesua tilim ke osep.

Aposel 2:23

Oglou ari kodong Ida Tapolngon didi aitno deka rere gute Yesus ma iye mete e kasip amunte. Mase tauni kovok e Yesus dong kap ite. Deka umodue osep epmes ina aitno lisak engil ke Yesus deka tidue agegeng ke iye e tinilim kamla e limla e iye mana ke ina akai deka mete ine.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Pas ka Pol sogoe uti la ke osep Rom ina 8:17

E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.