Luk 2:51 - Aria New Testament

⁵¹ Deka iye la kap isak e tiduru tipolou ke Nasaret e iye meit ke isak. E tna bitna sisir wan keniye tonari e aitno mter ine.

Luk 2:51 ပူးပေါင်းရင်းမြစ်များ

Matyu 12:46

Yesus dau wai ke osep pula pula deka tna e ina saiver tipolou e tivri ke ninu dogur kesua tiwaiki tiwai ke Yesus.

Matyu 3:15

E Yesus koli wai langane. “Omsongone ke oku ane kesua ke elio ane itodue wan ka didi Ida Tapolngon ila elio ka itau e osuk.” Deka Jon didi ila pelengon e paunim Yesus.

Mak 1:9

Alo ari Yesus songon armok Nasaret ka dong ke omur Galili e iye la polou ke Jon e Jon paunim iye ke aki Jordan.

Mak 6:3

Gute ane iye kamda vala. Tna Maria e ina saiver Jems e Joses e Judas e Saimon. E sulutno blang tidong ke armok ane.” Osep tiwai langane e aitno lisak soulu lokono ke Yesus.

Luk 18:37

E osep tiwai ke iye langane. “Yesus ka Nasaret ina lila la.”

Luk 2:19

E Maria bitna sisir wan ka pula keniye ane e aitno mter ine.

Luk 2:39

E alo ka Josep e Maria tidue elio keniye ka Ida Puda ila pelengon dagar wai ine kodong tiding ke urok armok Nasaret ka dong ke omur Galili.

Luk 4:16

Mase iye la ke ila armok batne Nasaret e ke oklou sabat iye sep ke duningen ina ninu langka ila aiding. Iye sep deka tito vri ma iye ritim Ida Tapolngon ila pelengon.

Luk 4:23

Deka Yesus wai ke isak langane. “Aitno lungong langka ma umawai pelengon langane ke ngong. ‘Dokta omlua wom tona.’ Omdue elio ke lem armok batne ane langka imeklingen omdue ke armok Kaperneam.”

Efesus 5:21

Umu kenmu kenmu ume-didi aitno lumu ke lumu elio bitna bitna kovok. Aurou. Umodue anit ke Yesus ila osep keniye e umodue elio ka itau vala ma isak keniye aitno lisak itau ine. Umodue elio langane kesua umodue anit ke Krais.

1 Pita 2:21

Ke oglou Krais namani agegeng ka osep tidue ke iye ma iye lua umu. E Ida Tapolngon rere umu ma umakana Krais ila elio itau tonari.