Luk 2:14 - Aria New Testament

¹⁴ “Itodue anit ke Ida Tapolngon ka dong egim lokono e itakakai angaine. E osep ka Ida Tapolngon aitno itau ke isak ke taklak ma aitno lisak epen.”

Luk 2:14 ပူးပေါင်းရင်းမြစ်များ

Matyu 21:9

E osep pula kla mgo ke iye e osep pula time batne ke iye e tidaiku langane. “Itakakai gute ka osep tisir iye Devit Otno Arang angaine tito. Ma Ida Tapolngon due elio itau itau ke gute ka me ke angaine. Itakakai angaine tito la egim lokono.”

Luk 1:79

E bublo ke osep ka tidong ke aivoro e ka metengen kading isak langka wan ano kadinge ma bublongon tonari nis ite ke ekreng ma itodong aitno lite epen.”

Luk 19:38

E tiwai langane. “Ma Ida Tapolngon aitno itau itau ke gute ka vri mgo ke omur ane ka me ke Ida Puda angaine. Osep ka tidong ke omur heven aitno lisak epen e ma itakakai Ida Tapolngon ka dong egim lokono angaine.”

Luk 2:13

Ensel wai kodong deka suong ensel pula pula ka omur heven ina tipolou e tikakai Ida Tapolngon angaine tito la egim e tiwai langane.

Luk 2:15

Alo ka ensel tisongon isak e tiding ke omur heven sipsip ina plaungan tiwai pulu langane. “Ma itala itesep ke Betleham ma itavati wan ka polou ka ensel palongo udo ine.”

Luk 3:22

E Ano Itau langka belis duru dong ke Yesus e kreine wai ke omur heven langane. “Wom erigu arang ka ngong lana ngong ke wom e aitno lungong itau lokono ke wom.”

Jon 14:27

“Ngasongon umu e dau ngadue lou elio ka aitno lumu dong epen dong kap umu. Ngakar elio tonari ke umu e iye langka elio ka osep ka taklak ina aitno lisak dong epen kovok. Aitno lumu kro ke wan bitna bitna kovok e umelim kovok.

Jon 17:4

Nganis osep ke lem elio itau lokono e lem arit ka omba ke taklak ane e ngababrum bokongon ka amkare ke ngong kodong.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Efesus 1:6

E oku ane ngawaiki itakakai Ida Tapolngon angaine tito la egim. Kesua iye didi ila makaingan ka itau lokono e pagei Otno Arang ka iye lana iye omba ke iye me polou lite e itokoli batne la ke iye kovok.

Efesus 1:9

E iye nis itosep ke elio ka oglou iye waiki due polou ke itosep. Alo ari iye dau kukwop iye ke osep. Deka ari me iding ke alo ka Krais polou ke itosep isak tile ke iye kovok. Mase Krais me polou lite e elio tonari polou malak lokono. E eknikane iteile omur ine.

Efesus 2:4

Lama itodong soulu langane Ida Tapolngon ka aitno due ite lana iye omba ke ite.

Efesus 2:7

Deka Ida Tapolngon due ila makaingan polou lite ma dong nisngen ke osep ka pula keniye ka mase tipolou tidong ma tile omur ke ila makaingan ka ombatno lokono batne ke Krais Yesus dong.

Filipai 2:11

E ma tipalongo urok malak langane. Yesus Krais iye osep Inarak Puda. E elio langane kakai Ida Tapolngon ka Pmada angaine tito la egim.

Filipai 2:13

Kesua iteile Ida Tapolngon boko ke aitno lumu ma umawaiki umodue elio ka aitno itau ine e iye kar arit ke umu ma umodue elio langare.

Kolosi 1:20

E Ida Tapolngon Otno Arang due wan ka pula keniye ma tigosok iye tidong aitno lisak kene pulu. Wan ka taklak ina e wan ka omur heven ina. Deka iye songon Krais iye mete ke ina akai e ina marau baser. Ke elio tonari Ida Tapolngon due osep ka pula keniye tidong aitno lisak epen pulu kap iye.

2 Tesalonaika 2:16

Ida Puda Yesus Krais iye tona kap Ida Tapolngon ka Pmada isak lana isak ke ite e timakai ite. E tisruk aitno lite ma itodong dagar e itodong itapara ke alo ka Ida Tapolngon ma due ite itodong itau kap iye.

Pelengon kukwopngon 5:13

E ngaklingen pelengon ke wan ka pula keniye ka Ida Tapolngon due isak ka tidong ke omur heven e ka tidong ke taklak e ka tidong ke taklak aitno e ka tidong ke aki. Ngaklingen wan ka tidong ke omur ka pula keniye tiwai langane. “Gute ka dong ke ila kova e Sipsip Otno urok arit ombatno e aitno lite itau ke isak e itakakai angainsak e aling aling itodue anit ke isak.”