Luk 19:47 - Aria New Testament

⁴⁷ E oklou kene kene iye parere osep ke omur ka lelei Ida Tapolngon ila ninu. E osep loulou ina ka omba e osep ka tile itau ke Moses ila sogongon e osep namormor ke osep Yuda ina tiwaiki tidue burwa ke iye.

Luk 19:47 ပူးပေါင်းရင်းမြစ်များ

Matyu 21:23

E Yesus sep ke omur ka lelei Ida Tapolngon ila ninu e parere osep ine. Deka osep loulou ina ka omba e osep namormor ke osep Yuda ina time ke iye e tipmi iye langane. “Omdue arit ge ma omdue elio ane? Sei kare ke wom?”

Matyu 26:55

Deka Yesus wai ke osep pula are langane. “Ina lange umomo e umakalke elil omba e akai ma umodue ngong langka ngong gute panakongon ina ka soulu? Oklou kene kene ngadong ke omur ka lelei Ida Tapolngon ila ninu e ngaparere umu e umekis ngong are kovok.

Mak 11:18

Osep loulou ina ka omba e osep ka tile itau ke Moses ila sogongon tiklingen Yesus ila pelengon deka tikrim ke ekreng ma tididie ma tipaiavu iye ine. Tidue elio langane e tiulou tarna lisak ke iye kesua osep pula aitno lisak mter pula ke ila parerengen.

Mak 12:12

Osep loulou ina ka omba e osep ka tile itau ke Moses ila sogongon e osep namormor tiklingen Yesus ila pelengon ano deka tile omur lana ine la ke isak. Deka tiwaiki tikis Yesus dagar e tikaranga tidue kovok kesua tiulou tarna lisak ke osep pula pula are. Deka tisongon iye e isak kla.

Mak 14:1

Alo ari osep Yuda ina tikere rogo ka lana ine la ke alo ka Ida Tapolngon lua isak tisongon omur Isip. Deka tikere inarak bret ka yis dong ine kovok ma gasak tingene. Alo ari osep loulou ina ka omba e osep ka tile itau ke Moses ila sogongon tikrim ekreng ka tiwaiki tiyak Yesus ine ma tikis iye dagar. Kesua tiwaiki tidue burwa ke iye.

Mak 14:49

Oklou keniye ngadong ke omur ka lelei Ida Tapolngon ila ninu e ngaparere umu deka ari umekis ngong kovok. E elio ane ka umodue ke ngong polou ma Ida Tapolngon ila pelengon ka oglou osep napaprangan ina tisogo ine polou lokono.”

Luk 19:48

E tikaranga tidue langane kovok kesua osep ka pula keniye are tiwaiki tiklingen ila pelengon keniye.

Luk 20:19

Alo ari osep ka tile itau ke Moses ila sogongon e osep loulou ina ka omba tikrim ekreng ma suong tidue Yesus sep ke kalabus kesua tile alo ka iye wai pelengon ano tonari lana ine la ke isak. E tidue kovok kesua tilim ke osep.

Jon 10:39

E aling silang tiwaiki tikis iye dagar e iye pren ke isak e la.

Jon 18:20

Deka Yesus koli wai langane. “Ngawai malak ke osep pula amtarsak. Ngawai ke osep Yuda ina urok duningen ina ninu e ke omur ka lelei Ida Tapolngon ila ninu ke omur ka osep tiduni pulu ine. E ngakukwop lou pelengon kovok.

Jon 7:19

“Oglou Moses kar ila sogongon ke umu e dau gute kene ke umu didi sogongon tonari kovok. Ina lange umawaiki umodue burwa ke ngong?”

Jon 7:44

E osep leklou tiwaiki tikis iye e dau tikis iye kovok.