Luk 18:7 - Aria New Testament

⁷ Aitno lumu lange? Ma Ida Tapolngon lua e kere osep ka iye rere isak ila osep alo ka tiwai itau ke iye ke oklou e epmes koke aurou? Ma iye dong tauni deka lua isak koke aurou?

Luk 18:7 ပူးပေါင်းရင်းမြစ်များ

Matyu 24:22

E langka Ida Tapolngon due alo ari ina taim yari duru kovok osep ka pula keniye ma timete ine. E Ida Tapolngon aitno mter ke osep ka iye rere isak ila osep e iye due alo ari ina taim yari duru.

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 7:11

Lumu elio soulu e dau umakar wan itau ke titopmu. E Pmomu ka dong ke omur heven ma iye kar wan itau ke osep ka tipmi iye ine.”

Luk 11:13

Umu osep ka umodue elio soulu e dau umakar wan itau ke otopmu. Deka Pmomu ka dong ke omur heven ma mole lumu elio tonari e kar Ano Itau ke osep ka tipmi iye ine.”

Luk 2:37

Deka ila boget mete e Ana dong asap batne la lama alo ka ina tobor polou 84. E aling aling iye dong ke Ida Tapolngon ila ninu e songone kovok. Iye pli ina ngangon ma aitno la ke Ida Tapolngon e wai itau ke iye e lotuim iye ke oklou e epmes.

Luk 21:28

E alo ka wan ka pula keniye tonari tinogrum tipolou umetito e umodue omtomu tito ke sirva kesua isuk boto alo ka Ida Tapolngon lua umu ma polou.”

Pas ka Pol sogoe uti la ke osep Rom ina 8:33

E sei dong ka karanga sin elio vri ke ite ka Ida Tapolngon rere ite ila osep? Kesua iye due ite itopolou itau e osuk ke bitna kodong. Gute kene gesa dong ka ila sinngen elio karanga mole ite ka Ida Tapolngon ila osep kovok.

Kolosi 3:12

Deka langane. Umu Ida Tapolngon ila osep e iye lana iye ke umu e iye rere umu ila osep itau. Deka umodue elio bitna bitna langane. Elio ka aitno lumu due osep ka wan soulu polou ke isak e elio ka umodue mada ke osep e elio ka umodong moli e umepes angainmu. E elio ka umodue elio molil ke osep e elio ka amnga umu suong kovok ke osep ka tidue elio soulu ke umu.

1 Tesalonaika 3:10

Aling aling ke oklou e epmes imepmi Ida Tapolngon ma imakaranga imavati umu blang. Imawaiki imavati umu ma imakaranga imapalongo lumu ke pelengon bitna bitna ka dau umeile omur ine kovok.

2 Tesalonaika 1:6

E Ida Tapolngon ma due elio osuk langane. Iye ma koli batne ke osep ka tidue agegeng ke umu.

1 Timoti 5:5

Langka apmang ka sasap batne tidong kensak vala ma apmang tonari tidue elio langane. Ma aitno lisak dagar lokono ke Ida Tapolngon ma iye lua isak e kere isak itau. Deka ke oklou e ke epmes ma tiwai itau ke Ida Tapolngon e tipmi iye ma iye lua isak.

2 Timoti 1:3

Oglou lou seia tidue Ida Tapolngon ila bokongon e urok bokongon itau e osuk ke bitna e wan gesa vri ke isak ine kovok. E eknikane ngong blang langane. Aling aling aitno lungong itau ke wan ka Ida Tapolngon due e ke oklou e epmes ngawai itau ke Ida Tapolngon ke wom e omtongu sisir wom.

2 Timoti 2:10

Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.

Taitus 1:1

Ngong Pol ngong Ida Tapol-ngon ila gute bokongon ina gesa e ngong Yesus Krais ila aposel gesa. Iye rere ngong e pagei ngong ngala ngadue osep ka Ida Tapolngon rere isak ila osep ma aitno lisak ila dagar dong dagar. Deka ngadue isak ma tile omur ke pelengon lokono e aitno lisak la dagar ine e tididi Ida Tapolngon ila elio itau.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.

2 Pita 3:9

E osep leklou tiwai langane. “Ida Puda dong tauni e didi ila promis molil molil vala.” E langane kovok. Aitno omba ke umu e dong para ma osep tibauluk aitno lisak ke urok elio epmes ina. Kesua iye waiki gute kene gesa mete ke ila elio epmes ina kovok.

Pelengon kukwopngon 18:20

“Umu ka umodong ke omur heven e umu ka Ida Tapolngo ila osep e ila aposel e ila osep napaprangan ina umasandir ke wan ka polou ke armok tonari. Kesua Ida Tapolngon due agegeng ine. Kesua batne ke ila elio soulu iye due ke umu.”

Pelengon kukwopngon 6:10

E osep ansak tonari tigi tiwai omba langane. “Ipem Puda ka lem arit ombatno omdong itau e amwai pelengon lokono. Lesen ma amwade osep ka pula keniye ka tidong ke taklak e omkoli ipem marau ke isak?”

Pelengon kukwopngon 7:15

E tivri mgongon ke Ida Tapolngon ila kova. E ke oklou e epmes tidong ke ila ninu e tidue ila bokongon. E Ida Tapolngon dong kap isak e iye plau isak.