Luk 18:14 - Aria New Testament

¹⁴ Deka Yesus wai langane. “Ngawai ke umu langane. Alo ka isak orwo tiding ke urok ninu ninu gute ka due takis dong itau ke Ida Tapolngon bitna e gute silang dong langane kovok. Kesua gute ka kakai iye tona angaine ma Ida Tapolngon pes iye duru e gute ka pes iye tona angaine ma Ida Tapolngon kakai iye tito.”

Luk 18:14 ပူးပေါင်းရင်းမြစ်များ

Matyu 23:12

E gute ka waiki osep tikakai angaine ma Ida Tapolngon pes iye e gute ka pes iye tona ma osep tikakai angaine.”

Matyu 5:3

“Osep ka urok wan ka aitno lisak ila dagar ina isuk boto vala aitno lisak itau itau kesua wan ka omur heven ka Ida Tapolngon plaue ma polou urok wan.

Luk 1:52

Iye pi osep ka tivri mgo ke omur omur ke urok kova e iye kakai osep ka tidong moli angainsak.

Luk 10:29

E gute tonari waiki osep aitno lisak mter langka iye gute itau deka iye pmi Yesus langane. “Alo ka Moses ila sogongon wai ngong lana ngong ke osep ka tidong lelei ke ngong iye wai ke osep seisei lokono?”

Luk 14:11

Kesua gute ka kakai iye tona angaine ma Ida Tapolngon pes angaine duru e gute ka pes iye tona angaine ma Ida Tapolngon kakai angaine tito.”

Luk 16:15

E Yesus wai ke isak langane. “Umu osep ka umawaiki osep tivati umu langka umu osep itau lokono e dau Ida Tapolngon ile aitno lumu. Wan ka osep tivati langka wan ka itau lokono Ida Tapolngon vati wan tonari langka wan ka soulu lokono.”

Pas ka Pol sogoe uti la ke osep Rom ina 3:20

Umoklingen. Moses ila sogongon karanga due ite itopolou itau e osuk ke Ida Tapolngon bitna kovok. Aurou. Iye nis ite ke udo elio epmes ina vala.

Pas ka Pol sogoe uti la ke osep Rom ina 4:5

E langka aitno lite dagar ke Ida Tapolngon vala ma iye due ite itopolou itau e osuk ke bitna. Iye lua ite langane lama oglou udo elio soulu lokono.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Pas ka Pol sogoe uti la ke osep Rom ina 8:33

E sei dong ka karanga sin elio vri ke ite ka Ida Tapolngon rere ite ila osep? Kesua iye due ite itopolou itau e osuk ke bitna kodong. Gute kene gesa dong ka ila sinngen elio karanga mole ite ka Ida Tapolngon ila osep kovok.

Galesia 2:16

Iteile Ida Tapolngon aitno mter ke gute ka didi Moses ila sogongon e ke batne langane iye sir iye gute itau kovok. Aurou. Gute ka aitno dagar ke Krais Yesus vala Ida Tapolngon sir iye gute itau. Ite blang aitno lite dagar ke Krais Yesus kesua iteile ekreng ane ekreng kene vala ma Ida Tapolngon sir ite osep itau. E ke ekreng ka itedidi Moses ila sogongon kovok. Kesua gute gesa karanga didi Moses ila sogongon e Ida Tapolngon sir iye gute itau kovok. Aurou.

Jems 4:10

Umu kenmu kenmu umepes umu ke Ida Puda bitna e ma iye kakai umu.

Jems 4:6

Ida Tapolngon makai ite ke ila makaingan ka ombatno. E ila pelengon wai blang langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”