Luk 18:13 - Aria New Testament

¹³ E gute ka due takis dong mawa boto e waiki bitna tito ke omur heven kovok e iye mluk omun ine e wai langane. ‘Ngau Tapolngon aitno lugom due ngong kesua ngong gute epmes ina.’”

Luk 18:13 ပူးပေါင်းရင်းမြစ်များ

Matyu 10:3

E Filip e Bartolomyu e Tomas e Matyu ka oglou iye due takis ke osep. E Jems silang ka iye gute Alfius otno arang e Tadius.

Matyu 6:5

“E alo ka umawai itau ke Ida Tapolngon umodue langka osep ka aitno lisak orwo tidue kovok. Tiwaiki tivri e tiwai itau ke duningen ina ninu e ke ekreng omba galna ma osep tipalem isak. Ngawai lokono ke umu. Tidue urok klingen ine kodong.

Matyu 9:13

Umala e umanana ma umeile Ida Tapolngon ila pelengon ka wai langane lana ine. ‘Ngawaiki umodue elio opmu ina ke ngong kovok. Aurou. Ngawaiki aitno lumu due osep vala.’” Deka Yesus wai langane. “Ngame ma ngagi osep ka itau ma tididi ngong kovok. Aurou. Ngame ma ngagi osep epmes ina tididi ngong.”

Mak 11:25

Alo ka umevri umawai itau ke Ida Tapolngon mgo umasak elio soulu ka osep leklou tidue ke umu. Umodue elio langane deka Pmomu ka dong ke omur heven ma sak lumu elio epmes ina bitna bitna ka umodue.”

Luk 17:12

Alo ka iye waiki sep ke armok gesa osep songotno ka paiangan lepra due isak tisoson iye e dau tidong mawa ke iye.

Luk 22:41

Iye songon isak e la isuk boto deka grum kamla e wai itau ke Ida Tapolngon.

Luk 23:48

Alo ka osep pula pula ka tiduni pulu ma tipalem elio ane tivati wan ka polou aitno lisak soulu e aitno lisak kro ine e timluk omun lisak. Elio ane nisngen ke elio ka aitno lisak soulu. Deka isak kla tiding ke urok ninu ninu.

Luk 5:8

Alo ka Saimon ka angaine silang Pita vati elio ane iye gene ke Yesus kamla e wai langane. “Puda amla ke ngong kesua ngong gute epmes ina.”

Aposel 2:37

Osep pula tiklingen Pita ila pelengon deka aitno lisak kro lokono ine. Deka tipmi Pita gosok aposel leklou langane. “Sipmi. Eknikane imousine kesua limem elio epmes ina vri ke imi?”

Pas ka Pol sogoe uti la ke osep Rom ina 5:8

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

2 Korin 7:11

Umeile elio ka Ida Tapolngon due aitno lumu soulu due elio bitna bitna itau tipolou. Elio tonari langane. Umawaiki umomosi pelengon ka mter umu e aitno lumu engil ke gute ka due elio epmes ina. E umodue anit ke Ida Tapolngon e aitno lumu kro ke imi e umoboko dagar ma umomosi gute ka due elio soulu ila elio. Ke wan ka pula keniye ka umodue umenis imi langane. Elio gesa vri ke umu ine kovok.

1 Timoti 1:15

Pelengon ane lokono. Krais Yesus me ke taklak ma iye lua osep epmes ina. E ma iteklingen ine e ma aitno lite la dagar ine. Deka aitno lungong kro lokono kesua ngong tona ngadue elio epmes ina pula e ngadong langka gute ka mgo ke osep epmes ina.

Hibru 4:16

Deka ma itopolou olwo boto ke Ida Tapolngon ka makai ite e itoulou ke iye kovok. Ma aitno due ite e ila makaingan polou ke ite e lua ite alo ka elio bitna bitna polou ka opru ite.

Hibru 8:12

Ma ngasak urok elio epmes ina e omtongu sisir ke urok elio soulu kovok.”