Luk 18:12 - Aria New Testament

¹² Aling orwo ke wik kene kene ngapli ngau ngangon ma aitno lungong la ke wom e ngawade lou wan keniye ke emkil songotno ka isak eriar e ngakar emkil kene ke wom.’

Luk 18:12 ပူးပေါင်းရင်းမြစ်များ

Matyu 5:20

Ngawai lokono ke umu langane. Langka lumu elio itau ke Ida Tapolngon bitna e mole osep Farisi ina e osep ka tile itau ke Moses ila sogongon urok elio kovok ma umesep ke omur heven ka Ida Tapolngon plaue kovok.”

Matyu 6:1

Yesus wai blang langane. “Umaplau umu itau lama umodue elio itau ke osep amtarsak ma osep tipalem umu vala. Langka umodue langane Pmomu ka dong ke omur heven ma kar kerengen ka itau ka omur heven ina ke umu kovok.”

Matyu 6:16

“E alo ka umepli upu ngangon ma aitno lumu la ke Ida Tapolngon umodue omtomu polou langka aitno lumu itau kovok langka osep ka aitno lisak orwo tidue kovok. Osep tonari tidue langane kesua tiwaiki osep tipalem isak e tile tipli inarak ngangon ma aitno lisak la ke Ida Tapolngon. Ngawai lokono ke umu langane. Tidue urok klingen ine kodong.

Matyu 6:5

“E alo ka umawai itau ke Ida Tapolngon umodue langka osep ka aitno lisak orwo tidue kovok. Tiwaiki tivri e tiwai itau ke duningen ina ninu e ke ekreng omba galna ma osep tipalem isak. Ngawai lokono ke umu. Tidue urok klingen ine kodong.

Matyu 9:14

Oklou kene Jon ila disaipel leklou time e tipmi Yesus langane. “Ina lange aling kene kene imi e osep Farisi ina imepli ipem ngangon ma aitno limi la ke Ida Tapolngon e lem disaipel tidue langare kovok?”

Luk 11:42

“Aisudo umu osep Farisi ina. Kesua umawade wan bitna bitna ka tidue ngangon galou e marapngan bitna bitna ka tidong ke lumu yage ke emkil songotno ka eriar e umakar emkil kene ke Ida Tapolngon ma ila wan. Umodue wan daudeng langane e are itau e dau umengelek ke elio omba langka umodue elio osuk ke osep e elio ka umu lana umu ke Ida Tapolngon. Wan ka itau umodue elio omba e silang blang umodue elio daudeng tonari blang.

Luk 17:10

E umu blang langane. Alo ka umodue lumu bokongon ka Ida Tapolngon waiki umodue aitno lumu mter langane. ‘Imi wokboi nating vala e ma osep tiwai tenkyu ke imi kovok. Aurou. Imodue wan ka Ida Tapolngon waiki imodue vala.’”

Pas ka Pol sogoe uti la ke osep Rom ina 3:27

Deka ite ka udo mosongon itau ite sei ma itakakai angainte ine? Aitno lumu lange? Ma itedidi Moses ila sogongon e itopolou itau e osuk ke Ida Tapolngon bitna? Aurou lokono. Eknikane itopolou itau e osuk ke Ida Tapolngon bitna kesua aitno lite la dagar ke Yesus kodong.

1 Korin 1:29

Ida Tapolngon due elio langane deka osep ka pula tikaranga tikakai angainsak ke Ida Tapolngon bitna kovok.

Galesia 1:14

E ngong arit ngong lokono e ngadidi lou seia urok elio bitna bitna lokono e ngamole osep auram ke osep Yuda ina pula ka inarak tobor eriar ke ngau tobor.

1 Timoti 4:8

Emile langka itawaiki itodue pampamu lite ila arit polou dagar deka itanana aling aling. Elio langane ma lua ite sasi boto. E langka itanana ke Ida Tapolngon ila elio ane ma polou udo arit ka lua ite itau lokono. Ane ma lua ite ke udo mosongon ka oku ane ina e ke udo mosongon ka mase ma polou.