Luk 17:30 - Aria New Testament

³⁰ E elio eriar langane ma dong alo ka Gute Ka Polou Langka Osep ma polou malak ke osep amtarsak.

Luk 17:30 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 24:3

Mase alo ka Yesus dong ke gigri Oliv ila disaipel time ke iye e tiwai ke iye vala langane. “Ampalongo limem lesen ma wan ka amwai ine polou. E nisngen sua nis osep ke alo ka ma emiding omo e nis osep ke taklak ane ina yagosngon.”

Matyu 24:37

Elio ka osep tidue alo ka Gute Ka Polou Langka Osep ma iding me isak eriar langka elio ka osep tidue oglou alo ka Noa dong.

Matyu 24:39

E osep tile ine kovok la lama ongon ombatno me paunim isak ka pula keniye e timete ine. E alo ka Gute Ka Polou Langka Osep ma polou eriar langka alo ari.

Matyu 26:64

E Yesus koli wai langane. “Wom tona amwai ine e dau ngawai ke umu langane. Mase ma umavati Gute Ka Polou Langka Osep dong ke Ida Tapolngon ka ila arit ombatno limla odung. E ma umavati iye me ke taklak ke gaup ke sirva.”

Mak 13:26

Deka ma osep tivati ngong ka Gute Ka Polou Langka Osep ngaduru ke gaup kap lou arit e lou bublongon ka isak ombatno lokono.

Luk 17:24

Kesua taim ka Gute Ka Polou Langka Osep iding me ila baulukngon ma polou langane. Iye polou langka aragu egle ka nevlik bublo ke omur kene ke sirva e la ke omur silang ke sirva.

Luk 17:29

E ke oklou ka Lot songon Sodom Ida Tapolngon due eiou e opmu salfa ka eiou ngene duru ke taklak langka aragu. E elio ane paiavu osep Sodom ina keniye ma timete.

Luk 21:22

Kesua alo ari taim ka Ida Tapolngon ma ules osep e koli batne ke urok elio soulu eriar langka oglou ila pelengon wai ine.

Luk 21:27

Deka osep ma tivati Gute Ka Polou Langka Osep me ke gaup ke sirva kap ila arit e ila bublongon ka omba.

1 Korin 1:7

­Deka Ida Tapolngon Ano Itau lua umu ke Ida Tapolngon ila kerengen keniye ka iye lua ila osep ine. E kerengen gesa dong kovok ka iye lua umu ine dau kovok. Umodong itau e umapara ke alo ka Ida Puda Yesus Krais ma polou ke omtomu.

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

Kolosi 3:4

Krais iye lumu mosongon itau batne e mase alo ka iye polou malak ke osep amtarsak umu blang ma umodong kap iye ke ila bublongon.

2 Tesalonaika 1:7

E ma iye due elio ka osep tidue agegeng ke umu e ke imi blang polou yagos. Ida Tapolngon ma lua ite langane alo ka Ida Puda Yesus kap ila ensel pula ka urok arit omba tisongon omur heven e tipolou malak. Deka iye ma polou ke eiou omba.

1 Pita 1:13

Ke batne langane ngawaiki umekere aitno lumu ma aitno lumu mter ke elio isuk isuk ka umodue e umaplau umu itau. Umu arit umu ma umapara ke kerengen ma umodue alo ka Yesus Krais me polou malak.

1 Pita 1:7

Tokngon bitna bitna tonari polou ke umu ma tok aitno lumu ila dagar langka iye wan lokono koke aurou. Iteile gol karanga polou yagos e dau langka osep tiwaiki tile gol tonari gol lokono tidue eiou ngene ma tile langka wan sasi dong ine koke aurou. E aitno lite ila dagar mole gol lokono deka tokngon tonari tok aitno lumu ila dagar. Deka ke oklou ka Yesus Krais iding me Ida Tapolngon ma kakai angainmu e due anit ke umu.

1 Pita 4:13

E aitno lumu neser alo ka umanamani agegeng eriar langka Krais namani agegeng. Ma alo ka Krais ila elio ka itau itau lokono polou malak ke osep amtarsak umu blang aitno lumu neser e aitno lumu itau kap iye.

1 Jon 2:28

Deka dirgu umodong kap Krais ma alo ka iye polou malak umodong dagar ke iye e umu mnak umu ke bitna kovok.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

Pelengon kukwopngon 1:7

E umoklingen. Yesus dong airavu ke gaup e iye me e osep ka pula keniye ma tivati iye. E osep ka timter iye isak blang ma tivati iye. Deka osep ka pula keniye ka tidong ke taklak ma tikngis omba ine. Elio ane ma polou suong. Lokono.