Luk 17:24 - Aria New Testament

²⁴ Kesua taim ka Gute Ka Polou Langka Osep iding me ila baulukngon ma polou langane. Iye polou langka aragu egle ka nevlik bublo ke omur kene ke sirva e la ke omur silang ke sirva.

Luk 17:24 ပူးပေါင်းရင်းမြစ်များ

Matyu 24:27

Kesua Gute Ka Polou Langka Osep ma iding me langane. Iye polou langka aragu egle ka polou ke omur ka oklou tito ine ke sirva e la ke omur ka oklou duru ine ke sirva.

Matyu 24:30

Deka nisngen ke Gute Ka Polou Langka Osep ma polou ke sirva e osep ka pula keniye ke taklak ma tikngis. Ma tivati Gute Ka Polou Langka Osep me ke gaup ke sirva. Iye me kap ila bublongon e ila arit ka ombatno.

Matyu 25:31

“Alo ka Gute Ka Polou Langka Osep iding me ke ila bublongon iye ma me kap ila ensel keniye. Deka ma iye dong ke ila kova ka itau lokono.

Matyu 26:64

E Yesus koli wai langane. “Wom tona amwai ine e dau ngawai ke umu langane. Mase ma umavati Gute Ka Polou Langka Osep dong ke Ida Tapolngon ka ila arit ombatno limla odung. E ma umavati iye me ke taklak ke gaup ke sirva.”

Matyu 5:15

E silang osep tibik lam e tikadinge ke gimare kovok. Aurou. Tidue sep ke wan ka lam dong ine e bublo ma osep ka tidong ke ninu tikaranga tivati malak.

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

1 Tesalonaika 5:2

Umeile omur Ida Puda ila baulukngon ma suong polou langka gute panakongon ina me panako ke epmes alo ka osep aitno lisak mter ine kovok.

2 Tesalonaika 2:2

Langka osep leklou tiwai Ida Puda ila oklou polou kodong aitno lumu la ke urok pelengon kovok. E anmu nesik sakam. Langka tiwai Ano Itau nis isak ine aitno lumu la ine kovok. Koke tiwai langka imawai ine koke imosogo pas ine aitno lumu la ine kovok.

2 Tesalonaika 2:8

Alo ka wan ka dangdange la deka gute ka Ida Tapolngon ina oul kene ina ma polou malak. E Ida Puda ma bauluk me ke ila bublongon omba e ma iye mluk gute tonari ma iye mete.

Jems 5:8

E umu blang umapara e umevri dagar alo ka wan polou ka opru umu. Kesua oklou ka Ida Puda ma iding me isuk boto polou.

2 Pita 3:10

E Ida Puda ila oklou ma polou suong e polou alo ka osep aitno lisak mter ine kovok eriar langka gute panakongon ina me suong. Ke oklou tonari ngus omba ma polou e sirva la yagos. E eiou ka engil lokono ma ngen wan ka pula keniye ka dong ke taklak ma isak e taklak yagos.