Luk 16:17 - Aria New Testament

¹⁷ E dau langka taklak e sirva tipolou yagos ane engil sasi boto. E langka leta daudeng ke Moses ila sogongon polou yagos ane wan ka engil lokono.”

Luk 16:17 ပူးပေါင်းရင်းမြစ်များ

Matyu 5:18

Ngawai lokono ke umu langane. Lama taklak e sirva isak yagos leta kene koke leta emkil kene ke Moses ila sogongon ma polou yagos kovok la lama sogongon tonari polou lokono.

Luk 21:33

Sirva e taklak ma tipolou yagos e lou pelengon ma polou yagos kovok. Aurou.”

Pas ka Pol sogoe uti la ke osep Rom ina 3:31

Aitno lumu lange? Ida Tapolngon due ite itopolou itau e osuk ke bitna deka Moses ila sogongon yagos koke aurou? Aurou. Ma yagos kovok. Kesua alo ka aitno lite dagar ke Yesus deka itakaranga itedidi Moses ila sogongon tonari itau.

1 Pita 1:25

E Ida Puda ila pelengon dong vala dong.” Pelengon ane omon itau ka osep tinapapra ke umu.

2 Pita 3:10

E Ida Puda ila oklou ma polou suong e polou alo ka osep aitno lisak mter ine kovok eriar langka gute panakongon ina me suong. Ke oklou tonari ngus omba ma polou e sirva la yagos. E eiou ka engil lokono ma ngen wan ka pula keniye ka dong ke taklak ma isak e taklak yagos.

Pelengon kukwopngon 20:11

Deka ngavati Ida Tapolngon dong ke ila kova omba ka okou. Deka taklak e sirva tiulou ine deka isak yagos e osep tivati isak blang kovok.

Pelengon kukwopngon 21:1

Ngavti wan tonari deka ngavati sirva oku e taklak oku ina tipolou tidong. Sirva oglou ina e taklak oglou ina isak yagos kla e misuon blang yagos la.

Pelengon kukwopngon 21:4

Iye ma sak osep amtarsak olune e ma tikngis blang kovok e ma aitno lisak kro ke wan bitna bitna kovok. E silang blang ma tarna lisak doro doro blang kovok e metengen yagos. Kesua wan bitna bitna keniye ka tidong ke oglou isak yagos kodong.”