Luk 16:16 - Aria New Testament

¹⁶ “Osep tinapapra Moses ila sogongon e osep napaprangan ina urok sogongon la lama alo ka Jon polou. E nogrum ke alo ka Jon polou me ke oku ane nganapapra omon itau ka la ke omur ka Ida Tapolngon plaue e osep arit isak lokono ma tikaranga tisep ke omur tonari.

Luk 16:16 ပူးပေါင်းရင်းမြစ်များ

Matyu 10:7

Alo ka umelila umanapapra omon langane. ‘Omur ka Ida Tapolngon plaue isuk boto polou.’

Matyu 15:11

Wan ka gute ngene koke inime due polou soulu kovok. Aurou. Wan ka polou ke aitno due gute polou soulu.”

Matyu 21:32

Kesua alo ka gute Jon me e nis umu ke ekreng ka Ida Tapolngon waiki umedidie aitno lumu la dagar ke ila pelengon kovok. E osep ka tidue takis e apmang ekreng palma ina aitno lisak la dagar ke ila pelengon. E dau alo ka umavati elio tonari umabauluk aitno lumu ke lumu elio kovok e aitno lumu la dagar ke ila pelengon kovok.”

Matyu 3:2

“Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Matyu 4:17

Alo ari Yesus nogrum e napapra langane. “Umabauluk aitno lumu ke lumu elio epmes ina kesua omur ka Ida Tapolngon plaue isuk boto polou.”

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Mak 1:14

Alo ka osep tidue Jon la sep ke kalabus deka ari Yesus polou ke omur Galili e napapra Ida Tapolngon ila omon itau lokono ke osep.

Mak 1:45

E gute tonari lila la deka palongo osep pula ine. Iye due elio langane deka Yesus karanga lila ke armok pula kovok lama osep tivati iye deka tididi iye. Deka iye la dong ke omur ka dong adai vala. E osep ka tidong ke omur pula isak dau time tipolou ke iye.

Luk 10:11

‘Imasak lumu armok ina taklak ina group ka dong ke kepmi la langka nisngen ke lumu elio soulu. E dau imawaiki umeile langane. Elio ka Ida Tapolngon plau osep polou olwo boto ke umu kodong.’

Luk 10:9

Umodue osep ka tipaia ke armok are tipolou itau blang e umapalongo urok langane. ‘Elio ka Ida Tapolngon plau osep polou olwo boto ke umu kodong.’

Luk 16:29

E Abraham koli wai ke iye langane. ‘Aurou. Moses ila sogongon e osep napaprangan ina urok sogongon dong. Ma tiklingen ke isak.’

Luk 16:31

E Abraham wai ke iye langane. ‘Aurou. Langka tiklingen Moses ila sogongon e osep napaprangan ina urok sogongon kovok ma tiklingen e tididi gute ka poga tito ke ina denga ila pelengon kovok blang.’”

Luk 9:2

E iye pagei isak ke osep ma tinapapra pelengon ke omur ka Ida Tapolngon plaue e ma tidue osep ka tipaia tipolou itau blang.

Jon 1:45

Deka Filip la pado gute Nataniel e wai langane. “Imapado gute ka Moses sogo ine ke ila sogongon e osep napaprangan ina tisogo ine ke urok sogongon blang. Iye Yesus ka Josep otno arang e iye me ke Nasaret.”

Jon 11:48

Langka itosongon iye due elio langane ma osep ka pula keniye aitno lisak la dagar ke iye. E osep Rom ina ma time e tidar Ida Tapolngon ila ninu e tidue agegeng ke itosep Yuda ina.”

Jon 12:19

Deka osep Farisi ina tiwai pulu langane. “Umoklingen. Wan ka itawaiki itodue itakaranga itodue kovok. Umavati. Osep ka pula keniye tididi iye.”

Aposel 3:18

Oglou ari Ida Tapolngon due osep napaprangan ina aitno lisak deka tiwai ke elio soulu ma polou ke gute ka iye rere Krais ka lua osep. Mase dau tauni Yesus me dong kap itosep. Deka ari umeile iye itau kovok e umodue elio soulu bitna bitna ke ke iye eriar langka oglou osep napaprangan ina tisogo ine.