Luk 16:15 - Aria New Testament

¹⁵ E Yesus wai ke isak langane. “Umu osep ka umawaiki osep tivati umu langka umu osep itau lokono e dau Ida Tapolngon ile aitno lumu. Wan ka osep tivati langka wan ka itau lokono Ida Tapolngon vati wan tonari langka wan ka soulu lokono.”

Luk 16:15 ပူးပေါင်းရင်းမြစ်များ

Matyu 23:5

Tidue wan bitna bitna ma osep tipalem isak. Tipou Ida Tapolngon ila pelengon palma palma ke bara lisak e tidue emi ka alang ke urok molo ene.

Matyu 6:16

“E alo ka umepli upu ngangon ma aitno lumu la ke Ida Tapolngon umodue omtomu polou langka aitno lumu itau kovok langka osep ka aitno lisak orwo tidue kovok. Osep tonari tidue langane kesua tiwaiki osep tipalem isak e tile tipli inarak ngangon ma aitno lisak la ke Ida Tapolngon. Ngawai lokono ke umu langane. Tidue urok klingen ine kodong.

Matyu 6:2

“Alo ka umakar mani ke osep ka urok wan isuk boto vala umodue kuliep wai mgo ke umu kovok. Osep ka aitno lisak orwo tidue langane ke duningen ina ninu e ke ekreng ma osep tipalem isak e tikakai angainsak. Ngawai lokono ke umu langane. Tidue urok klingen ine kodong.

Matyu 6:5

“E alo ka umawai itau ke Ida Tapolngon umodue langka osep ka aitno lisak orwo tidue kovok. Tiwaiki tivri e tiwai itau ke duningen ina ninu e ke ekreng omba galna ma osep tipalem isak. Ngawai lokono ke umu. Tidue urok klingen ine kodong.

Luk 10:29

E gute tonari waiki osep aitno lisak mter langka iye gute itau deka iye pmi Yesus langane. “Alo ka Moses ila sogongon wai ngong lana ngong ke osep ka tidong lelei ke ngong iye wai ke osep seisei lokono?”

Luk 11:39

E Ida Puda wai ke iye langane. “Umu osep Farisi ina umeris kap e dis dogur itau e aitno lumu bon ke elio ka umawaiki umodue mani pula e elio soulu.

Luk 18:11

E gute Farisi ina wai ke aitno langane. ‘Ngau Tapolngon aitno lungong itau ke wom kesua ngong langka osep leklou kovok. Isak osep panakongon ina e tidue elio ka itau e osuk ke emtem kovok e isak osep ka tidue okwa. Koke isak langka gute are ka due takis.

Luk 18:14

Deka Yesus wai langane. “Ngawai ke umu langane. Alo ka isak orwo tiding ke urok ninu ninu gute ka due takis dong itau ke Ida Tapolngon bitna e gute silang dong langane kovok. Kesua gute ka kakai iye tona angaine ma Ida Tapolngon pes iye duru e gute ka pes iye tona angaine ma Ida Tapolngon kakai iye tito.”

Luk 18:21

E gute koli wai langane. “Ngadidi pelengon tonari ka pula keniye nogrum ke alo ka ngong agau me ke eknikane.”

Luk 18:9

Osep leklou aitno lisak lang-ka isak tona tidong itau ke Ida Tapolngon bitna e aitno lisak mter osep leklou isak osep soulu. Deka Yesus wai pelengon ano ane ka la ke isak.

Luk 20:20

E osep tonari tipalem Yesus ila elio e tivai osep langka esim e tiyakyak langka urok elio itau. Tiwaiki tiyak iye ma iye wai pelengon ka tikaranga tisin pelengon vri ke iye ine e tikar iye ke gute ka vri mgo ke omur emkil ma iye kotim iye.

Luk 20:47

Tiwai ka apmang ka sasap batne e tiyak isak e tipanako urok ninu ninu e urok wan bitna bitna. E silang blang alo ka tiwai itau ke Ida Tapolngon tiyakyak e tiwai tauni kesua tiwaiki osep pula tipalem isak. E elio ka Ida Tapolngon mulu osep ka tidue langane ma mole elio ka iye mulu osep leklou.”

Jon 2:25

E iye ile wansua ka dong ke osep aitno lisak kodong. E ke batne langane gute kene dong ma lua iye ma iye ile osep urok elio kovok.

Jon 21:17

Deka Yesus pmi iye aling eklu ina langane. “Saimon wom ka Jon otno arang wom lana wom ke ngong?” E Pita aitno soulu kesua iye pmi iye aling eklu ina langane. “Wom lana wom ke ngong?” E Pita koli wai langane. “Ee. Ngau Puda emile wan ka pula keniye e emile ngong lana ngong ke wom.” Deka Yesus wai ke iye langane. “Emkere lou osep ka isak langka sipsip itau.”

Aposel 1:18

Mase iye waiki lai Yesus ina deka osep loulou ina tikli iye ine. Deka iye due ila mani ka ila elio soulu ina klingen deka kli taklak gesa ine. Iye klie deka mase gene duru ine deka pele nabak e mogolu ine polou.

Aposel 1:24

Deka tiwai itau ke Ida Tapolngon ine langane. “Ipem Puda emile osep ka pula keniye aitno lisak. Eknikane emnis imi ke gute ka emrere ma iye kasip Judas amune. Emnis imi ine deka ma iye polou aposel gesa deka ma iye boko ine. Oglou Judas songon ila bokongon ka amwaiki iye due deka iye la ke ila omur.”

Aposel 15:8

Ari Ida Tapolngon ile osep ka pula keniye aitno lisak e iye kar Ano Itau ke isak eriar langka oglou iye kar iye ke ite. Elio ka iye kar Ano Itau ke isak keniye nis ite aitno itau ke isak.

Pas ka Pol sogoe uti la ke osep Rom ina 3:20

Umoklingen. Moses ila sogongon karanga due ite itopolou itau e osuk ke Ida Tapolngon bitna kovok. Aurou. Iye nis ite ke udo elio epmes ina vala.

Pas ka Pol sogoe uti la ke osep Rom ina 8:27

Ida Tapolngon ile omur ke itosep aitno lite. E silang blang langane. Iye ile omur ke Ano Itau ka dong ke aitno lite aitno. Iye ile omur ine kesua Ano Itau didi Ida Tapolngon aitno e loulou ke ite ma Ida Tapolngon lua ite ka ila osep.

1 Korin 4:5

Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

1 Pita 3:4

E ngawaiki umodue elio langka umabares aitno lumu vala. Umodong molil molil e aitno lumu epen vala. Umodue elio langane deka Ida Tapolngon vati umu langka umabares ke baresngen ka itau ka dong vala dong.

1 Pita 5:5

Umu auram aitno umeini osep ngongle urok pelengon. Umu ka pula keniye umepes umu kenmu kenmu langka umeini umu pulu. Ida Tapolngon ila pelengon wai langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”