Luk 16:14 - Aria New Testament

¹⁴ Osep Farisi ina isak lana isak ke mani. E alo ka tiklingen Yesus ila pelengon tiwai apok ke iye.

Luk 16:14 ပူးပေါင်းရင်းမြစ်များ

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Matyu 9:24

Deka iye wai ke isak langane. “Umala kesua apmang are mete kovok iye munu kudung vala.” E osep tivel ke Yesus.

Luk 12:15

Deka iye wai ke osep langane. “Umeile umu itau e umaplau umu itau lama umedidi elio ka umangale osep urok wan. Kesua gute ila mosongon dong itau batne ke ila wan pula pula ka dong kovok. Aurou.”

Luk 20:47

Tiwai ka apmang ka sasap batne e tiyak isak e tipanako urok ninu ninu e urok wan bitna bitna. E silang blang alo ka tiwai itau ke Ida Tapolngon tiyakyak e tiwai tauni kesua tiwaiki osep pula tipalem isak. E elio ka Ida Tapolngon mulu osep ka tidue langane ma mole elio ka iye mulu osep leklou.”

Luk 23:35

Osep tivri e tipalem wan ka polou e osep kaunsil ina tidue apok ke iye e tiwai langane. “Iye lua osep leklou e oku ane langka iye gute ka Ida Tapolngon rere Krais ma iye lua osep ma iye lua iye tona blang.”

Luk 8:53

E tivel kesua tile apmang mete kodong.

2 Timoti 3:2

Ma osep tidue elio langane. Osep ma isak lana isak ke isak kensak kensak vala e aitno lisak mter ke mani vala. Ma tikakai isak tona angainsak e aitno lisak mter timole osep leklou. Ma tiwai soulu ke osep leklou e tipul dogur ke sipmarak e titnarak urok pelengon. Ma tiwai tenkyu ke wan ka osep tikare ke isak kovok e tipul dogur ke Ida Tapolngon ila elio itau.

Hibru 11:36

E osep leklou tiwai apok ke osep ka aitno lisak dagar ke Ida Tapolngon. E tiules osep leklou e tipou osep leklou ke sen e tidue isak tisep ke kalabus.