Luk 16:11 - Aria New Testament

¹¹ Deka langka umaplau lumu mani ke taklak itau kovok sei ma kar lumu wan itau itau ka lokono ka omur heven ina ke umu?

Luk 16:11 ပူးပေါင်းရင်းမြစ်များ

Matyu 6:24

“Gute karanga boko ke osep orwo urok bokongon ke aling kene kovok. Aurou. Ma aitno itau ke gute kene e aitno soulu ke gute silang koke iye klingen gute kene ila pelengon e pli gute silang ila pelengon. Umakaranga umoboko ke Ida Tapolngon ila bokongon e umoboko ke mani ke aling kene kovok.”

Luk 12:33

Umodue burong ke lumu brokngon e umakar mani ke osep ka urok wan isuk boto vala. Deka ma umodue lumu wan itau lokono ka dong ke omur heven e polou yagos kovok. E ke omur heven gute panakongon ina me kovok e kokros ngen wan kovok.

Luk 16:12

E langka umaplau gute silang ila wan itau kovok sei ma kar lumu wan ke umu?

Luk 16:9

Deka ngawai ke umu langane. Alo ka umodong ke taklak umodue elio itau ke lumu mani ka taklak ina ma osep tipolou lumu satan. Umodue langane deka alo ka lumu mani yagos ma Ida Tapolngon due umu umesep umodong ke omur heven dong vala dong.”

Luk 18:22

Yesus klingen ila pelengon deka wai ke iye langane. “Omdue elio kene vala dau kovok. Omdue burong ke lem wan keniye e amkar lem mani ke osep ka urok wan isuk boto vala e wan bitna bitna ka itau lokono ma dong para ke wom ke omur heven. Deka omo emdidi ngong.”

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

Pelengon kukwopngon 3:18

Deka ngawaiki ngakar pelengon ane ke umu. Lou gol ka eiou ngene ma wan sasi dong ine kovok dong. Are itau ma umekli gol tonari ke ngong deka lumu mani pula dong. E are itau ma umekli klos okou ka kading tarna lumu. Deka osep ma tikaranga tivati umu albus umu kovok e umu mnak umu ine kovok. E itau ma umekli marasin ka umodue sep ke omtomu ma umakaranga umavati omur itau.