Luk 15:8 - Aria New Testament

⁸ “E silang blang langane. Langka apmang ila mani silva songotno dong e kene imina la. Ma iye due sua? Ma iye bik lam e gir ninu aitno e krim mani tonari itau la lama iye padoe i?

Luk 15:8 ပူးပေါင်းရင်းမြစ်များ

Matyu 5:15

E silang osep tibik lam e tikadinge ke gimare kovok. Aurou. Tidue sep ke wan ka lam dong ine e bublo ma osep ka tidong ke ninu tikaranga tivati malak.

Luk 15:7

Ngawai ke umu langane. Elio eriar langane polou ke omur heven blang. Osep ke omur heven tiketir ke gute epmes ina kene ka bauluk aitno e urok ketirngen mole ketirngen ke osep 99 ka aitno lisak mter langka tidong itau e osuk ke Ida Tapolngon bitna kodong e urok elio epmes ina pes isak kovok.”

Luk 15:9

E alo ka iye padoe iye gi ke ila saten e osep ka tidong olwo boto ke iye e wai ke isak langane. ‘Aitno lumu neser kap ngong kesua ngapado lou mani silva ka imina.’

Luk 19:10

E Gute Ka Polou Langka Osep me ke taklak ma iye krim e lua osep ka timina ke urok elio epmes ina.”

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Jon 11:52

E iye mete ke osep Yuda ina vala kovok. Aurou. Iye mete ke Ida Tapolngon ila osep keniye ka tidong ke omur omur. Ma iye due isak tipolou osua kene vala.

Aposel 19:19

E osep leklou ka oglou isak borou timla tipaur urok buk ka borou ina ke osep pula amtarsak e tibik isak e eiou ngen isak. E titik urok buk keniye tonari inarak klingen ke mani silva e ina sasa polou langka 50,000.

Efesus 2:17

E langane. Alo ka Krais me polou ke ite iye napapra Ida Tapolngon ila omon itau e iye napapra ke elio ka aitno lite epen pulu. Iye due langane ke osep Yuda ina ka tidong olwo boto ke iye. E ke osep ka isak osep Yuda ina kovok ka tidong mawa ke iye blang.