Luk 15:7 - Aria New Testament

⁷ Ngawai ke umu langane. Elio eriar langane polou ke omur heven blang. Osep ke omur heven tiketir ke gute epmes ina kene ka bauluk aitno e urok ketirngen mole ketirngen ke osep 99 ka aitno lisak mter langka tidong itau e osuk ke Ida Tapolngon bitna kodong e urok elio epmes ina pes isak kovok.”

Luk 15:7 ပူးပေါင်းရင်းမြစ်များ

Matyu 18:13

Ngawai lokono ke umu langane. Alo ka iye pado sipsip kene ka imina aitno itau omba ine e mole elio ka aitno itau ke sipsip 99 ka tilila kla kovok.

Matyu 3:8

Umodue elio itau ka nis osep umabauluk aitno lumu ke lumu elio epmes ina.

Luk 15:10

Ngawai ke umu langane. Eriar langane Ida Tapolngon ila ensel ma tiketir alo ka gute epmes ina kene bauluk aitno.”

Luk 15:29

E iye koli wai ke timla langane. ‘Lange? Livou emile tobor pula ngaboko langka lem gute bokongon ina e ngapli lem pelengon kovok. E dau amkar wan langka meme otno vala ke ngong ma ngadue rogo kap lou saten kovok.

Luk 15:32

E eknikane ngap aiver ka langka iye mete dong blang e iye langka imina e oku ane itapado iye blang. E ke batne langane wan ka itau itodue rogo e aitno lite neser.’”

Luk 15:6

E iye kalke la ke ila ninu. Iye polou ke ninu deka iye gi ke ila saten e osep ka tidong olwo boto ke iye e wai ke isak langane. ‘Aitno lumu neser kap ngong kesua ngapado lou sipsip ka imina la.’

Luk 15:8

“E silang blang langane. Langka apmang ila mani silva songotno dong e kene imina la. Ma iye due sua? Ma iye bik lam e gir ninu aitno e krim mani tonari itau la lama iye padoe i?

Luk 16:15

E Yesus wai ke isak langane. “Umu osep ka umawaiki osep tivati umu langka umu osep itau lokono e dau Ida Tapolngon ile aitno lumu. Wan ka osep tivati langka wan ka itau lokono Ida Tapolngon vati wan tonari langka wan ka soulu lokono.”

Luk 5:32

Ngame ma ngagi osep ka tidong itau e osuk ke Ida Tapolngon bitna kovok. Aurou. Ngame ma ngagi osep epmes ina ma tibauluk aitno lisak ke urok elio epmes ina.”

Pas ka Pol sogoe uti la ke osep Rom ina 7:9

Oglou ngadong vala e ngaile itau ke Moses ila sogongon kovok. Ari aitno lungong mter ngawaiki ngadong itau vala. Mase ngaklingen Moses ila sogongon e ngaile ngadare kodong. Deka ari ngaile ma ngamete ine.