Luk 15:28 - Aria New Testament

²⁸ Deka gute ka sirngen aitno amnga e iye waiki sep ke ninu kovok. E timla polou ke iye e pmi iye dagar me iye sep.

Luk 15:28 ပူးပေါင်းရင်းမြစ်များ

Matyu 20:11

Osep tonari tidue urok mani e tingurngur ke yage ina gute.

Mak 1:40

Oklou kene gute gesa ka paiangan lepra due me polou ke Yesus bitna deka grum kamla duru ke taklak e wai langane. “Langka amwaiki omlua ngong ke ngau paiangan ngaile amkaranga omdue.”

Luk 13:34

Aisudo. Osep Jerusalem ina umodue burwa ke osep napaprangan ina e umouri opmu ke osep ka Ida Tapolngon pagei isak ke umu ma timete ine. Aling pula ngawaiki ngagom umu ke ngong langka kwako gom titno ke pena bisna. E umawaiki umodue langane kovok.

Luk 15:2

E osep Farisi ina e osep ka tile itau ke Moses ila sogongon tingurngur ke iye langane. “Gute ane waiki osep epmes ina time ke iye e iye ngen kap isak.”

Luk 15:27

E gute bokongon ina koli wai ke iye langane. ‘Ngap aiver iding me kodong e abo mter bulmakau otno ka malugi omba kesua aitno itau ke elio ka ngap aiver iding e dong itau.’

Luk 15:29

E iye koli wai ke timla langane. ‘Lange? Livou emile tobor pula ngaboko langka lem gute bokongon ina e ngapli lem pelengon kovok. E dau amkar wan langka meme otno vala ke ngong ma ngadue rogo kap lou saten kovok.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Luk 5:30

E osep Farisi ina e osep ka tile itau ke Moses ila sogongon ka tididi osep Farisi ina tingurngur ke Yesus ila disaipel e tipmi isak langane. “Ina lange umangen e umeinim kap osep ka tidue takis e osep epmes ina?”

Luk 7:39

E gute Farisi ina ka gi iye ma iye me ngen kap iye vati elio are e aitno mter langane. “Langka gute ane gute napaprangan ina lokono ma iye ile itau ke apmang ka kai iye. Kesua iye apmang epmes ina.”

Aposel 13:45

­Deka osep Yuda ina tivati osep pula pula tiduni pulu e aitno lisak rim ine. E tipara pulu Pol ila pelengon e tiwai soulu ke iye.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:2

E osep Yuda ina ka aitno lisak dagar kovok tisruk osep leklou ka isak osep Yuda ina kovok aitno lisak deka aitno lisak soulu ke Ida Tapolngon ila osep.

Pas ka Pol sogoe uti la ke osep Rom ina 10:19

Deka ngapmi umu langane. Osep Israel ina tile Ida Tapolngon ila pelengon tonari kovok? Aurou. Isak tile ine. Elio ane eriar langka oglou Moses sogo Ida Tapolngon ila pelengon ka wai langane. “Ma ngadue osep Israel ina aitno lisak rim ke osep leklou blang. Ma ngadue osep Israel ina aitno lisak engil batne osep leklou blang ka oglou aitno lisak kaka.”

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

1 Tesalonaika 2:16

E tiwaiki tidangdang imi alo ka imawaiki imanapapra omon itau ke osep ka isak osep Yuda ina kovok. E umeile omon tonari karanga lua isak ke urok elio epmes ina. Deka aling aling osep tonari tidue elio epmes ina deka urok elio epmes ina res polou omba lokono. E eknikane Ida Tapolngon aitno ila engil polou lisak e ma ngen isak.