Luk 15:24 - Aria New Testament

²⁴ Aitno lite neser kesua erigu arang ane langka iye mete e eknikane iye dong blang. E iye imina e oku ane itapado iye blang.’ Deka tinogrum tiketir.”

Luk 15:24 ပူးပေါင်းရင်းမြစ်များ

Matyu 8:22

E Yesus koli wai langane. “Emdidi ngong e omsongon osep ka isak langka timete tiyas osep ka timete kodong.”

Mak 8:22

Yesus gosok ila disaipel isak kla e mase tipolou ke Betsaida. Deka osep leklou tipaur gute gesa ka bitna evin polou ke iye e tikel iye ma iye kai gute tonari.

Luk 10:19

Umoklingen. Ngakar lou arit ke umu ma umakaranga umelila e kopmu tipes mota soulu e tipes gitu e umomole upu oul Satan. E wan gesa karanga due asmel ke umu kovok.

Luk 15:23

E umodue bulmakau otno ka malugi omba e umemtere ma mete. Ma itodue rogo e aitno lite neser.

Luk 15:25

“Alo ari gute ina sirngen dong boko ke yage. E alo ka iye iding ke ninu iye klingen osep tidue sakul e titirie.

Luk 15:32

E eknikane ngap aiver ka langka iye mete dong blang e iye langka imina e oku ane itapado iye blang. E ke batne langane wan ka itau itodue rogo e aitno lite neser.’”

Luk 15:4

“Langka gute kene ke umu ila sipsip buno kene dong e sipsip kene vala imina la. Ma iye due sua? Iye ma songon sipsip 99 tidong ke omur ka tikaranga tingen ine e la krim ke sipsip kene ka imina la lama iye padoe i?

Luk 19:10

E Gute Ka Polou Langka Osep me ke taklak ma iye krim e lua osep ka timina ke urok elio epmes ina.”

Luk 9:60

E Yesus wai ke iye langane. “Omsongon osep ka isak langka timete tiyas osep ka timete kodong e amla amnapapra omon ka la ke omur Ida Tapolngon plaue.”

Jon 11:25

Deka Yesus wai ke iye langane. “Ngong tona batne ke osep ka tipoga titito ke inarak denga e ngong mosongon batne blang. Gute ka aitno dagar ke ngong ma dau dong lama pampamu ine mete.

Jon 5:21

Eriar langka Livou due osep ka timete kodong tipoga titito ke inarak denga e kar mosongon oku ina ke isak ngong ka Otno Arang ngakar mosongon oku ina ke osep ka ngawaiki ngakar mosongon tonari ke isak.

Pas ka Pol sogoe uti la ke osep Rom ina 11:15

Alo ka Ida Tapolngon pul dogur ke osep Israel ina iye due osep ka isak osep Yuda ina kovok tidong itau kap iye. Deka langka Ida Tapolngon due osep Israel ina tibauluk ke iye ane eriar langka iye due osep ka pula keniye ka timete kodong tipoga titito ke inarak denga.

Pas ka Pol sogoe uti la ke osep Rom ina 12:15

Ma umeketir kap osep ka tiketir ke wan gesa. E ma umekngis kap osep ka tikngis ke wan gesa.

Pas ka Pol sogoe uti la ke osep Rom ina 6:11

E Ida Tapolngon waiki aitno lumu mter umemete ma elio epmes ina plau umu blang kovok. E silang blang iye waiki ma umodue elio epmes ina bitna bitna aling kene blang kovok. Ida Tapolngon waiki aitno lumu mter umodong kap Yesus Krais e iye waiki umodue elio isuk isuk langka iye due.

Pas ka Pol sogoe uti la ke osep Rom ina 6:13

E umadangdang pampamu lumu lama umodue elio epmes ina bitna bitna ine. Umadangdang pampamu lumu keniye ma umodue elio epmes ina ine kovok. Ida Tapolngon waiki pampamu lumu dong itau vala. Kesua umodong eriar langka osep ka oglou timete deka mase tipoga titito ke inarak denga. Ma umakar pampamu lumu ke Ida Tapolngon ma iye plau isak e ma umodue elio itau ine vala.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

1 Korin 12:26

Deka langka pampamu lite ongwa ine gesa doro ma ongwa lite ka pula keniye isak doro blang. E langka ongwa lite gesa neser ma ongwa lite ka pula keniye neser kape.

Efesus 2:1

Oglou umeini Ida Tapolngon ila pelengon kovok e umodue elio epmes ina bitna bitna vala. Deka elio epmes ina tek umu ke Ida Tapolngon. E umodong langka osep ka angainsak timete kodong.

Efesus 2:5

Iye lana iye omba ke ite e alo ari talda klingen Ida Tapolngon ila pelengon kovok e udo elio epmes ina tek ite ke Ida Tapolngon. Deka itodong langka osep ka angainsak timete kodong. E dau Ida Tapolngon makai ite e lua ite ke udo elio epmes ina. Deka iye due ite itopoga itetito e itodong blang e iteneklep ke Krais.

Efesus 5:14

Deka alo ka umapalongo osep ke urok elio epmes ina urok elio tonari polou malak ke osep. Oglou gute gesa wai pelengon ano langane. “Wom ka omdong langka ommunu kudung emtipa. Wom ka omdong langka emmete emtito e Krais ma due wom omdong ke bublo-ngon.”

Kolosi 2:13

Oglou umodue elio soulu bitna bitna e umedidi elio ke aitno lumu oglou ina deka ke elio tonari langka anmu timete. E Ida Tapolngon due umu umodue lumu mosongon oku ina kap Krais deka Ida Tapolngon klok lumu elio epmes ina la.

1 Timoti 5:6

E langka apmang ka isak sasap batne mase tididi pampamu lisak vala deka apmang tonari tidong langka ansak vala timete kodong.

Pas ka Jut sogoe 1:12

Ngaile aling leklou umu ka Ida Tapolngon ila osep umoduni pulu ma umangen ngangon kesua umu lana umu pulu. E osep yakngan ina tonari tisep tidong kap umu blang. E isak tidong langka wan ka amum ka soulu lokono ke lumu duningen. Aitno lisak mter ke urok elio soulu kovok e aitno lisak mter ke isak tona vala. Isak langka gaup ke erei aitno ka aragu dong ine kovok e engen ipu isak kla suong. E silang isak langka akai ka tiusu otna kovok e osep tiblou isak tiduru ke taklak e tipi gigitno ke taklak. Osep soulu bitna tonari isak langka timete aling orwo kodong.

Pelengon kukwopngon 3:1

Gute tonari wai blang langane. “Omsogo pelengon ke ensel ka dong ke sios ke Sardis. Pelengon tonari langane. Gute ka plau Ida Tapolngon ano lumorwo e kis gigimo lumorwo wai langane. ‘Ngaile elio bitna bitna ka umodue kodong. Osep tiwai ke lumu elio langane. “Sios are didi Ida Tapolngon lokono.” E langane kovok. Umu langka umemete kodong.