Luk 14:24 - Aria New Testament

²⁴ Ngawai ke wom langane. Gute kene ke oep ka ngapmi isak mgo ma time ke rogo ma tingen lou ngangon sasi boto vala kovok.’”

Luk 14:24 ပူးပေါင်းရင်းမြစ်များ

Matyu 21:43

E ngawai ke umu langane. Ma Ida Tapolngon pi umu ke omur ka iye plaue e kar amunmu ke osep leklou ka tidue wan ka Ida Tapolngon waiki tidue.

Matyu 22:8

Deka iye wai ke ila osep bokongon ina langane. ‘Tikere gingen ina rogo kodong e dau osep ka ngawaiki time isak osep itau kovok e ngawaiki time kovok.

Luk 14:23

Deka gute wai blang langane. ‘Amla ke ekreng omba e ekreng daudeng ke omur ka lelei armok e amwai dagar ke osep time ma ninu bon ke osep.

Luk 14:25

E osep pula pula tilila kla kap Yesus e iye bauluk e wai ke isak langane.

Jon 3:19

Elio ka Ida Tapolngon wade osep batne langane. Ida Tapolngon ila bublongon polou ke osep kodong e dau aitno lisak itau ke bublongon tonari kovok. Aurou. Aitno lisak itau ke aivoro kesua urok elio soulu lokono.

Jon 3:36

Osep seisei ka aitno lisak la dagar ke Ida Tapolngon Otno Arang ma tidue urok mosongon ka dong vala dong. E osep seisei ka tipli iye ma tidue mosongon ka dong vala dong kovok e Ida Tapolngon aitno ila engil ma dong ke isak.”

Jon 8:21

E Yesus wai ke osep tonari blang langane. “Ngala e ma umekrim ke ngong. E dau umodue elio epmes ina e alo ka umemete ma lumu elio epmes ina dau munu pes umu. E ma umakaranga umala ke omur ka ngala ine kovok.”

Jon 8:24

Ke batne ane ngawai ke umu langane. Langka dau umodue elio epmes ina ma umemete ine. Ngawai ke umu ngong Gute Ka Ngadong Kodong e langka aitno lumu dagar ke ngong kovok ma umemete ke lumu elio epmes ina vala.”

Aposel 13:46

Deka Pol orwo Barnabas tilim ke isak kovok e tiwai dagar ke isak langane. “Mgongon imawai Ida Tapolngon ila pelengon ke umu ka osep Yuda ina. E umoklingen ine deka umopul dogur ine e umeplie. Deka eknikane imala ke osep ka isak osep Yuda ina kovok. Imodue langane kesua umepli Ida Tapolngon ila pelengon. Umawaiki Ida Tapolngon lua umu kovok e kar umu lumu mosongon ka dong vala dong kovok.