Luk 14:21 - Aria New Testament

²¹ Gute bokongon ina tonari iding e palongo ina puda ine deka gute amnga lokono e wai ke ila gute bokongon ina langane. ‘Omsuong amla ke ekreng omba e ekreng daudeng ke armok ane e omdue osep ka urok wan isuk boto vala e osep ka pampamu lisak soulu e osep ka amtarasak evin e osep ka kamsak soulu ma time.’

Luk 14:21 ပူးပေါင်းရင်းမြစ်များ

Matyu 11:28

“Langka umakalke lumu sigi e umobure deka umomo ke ngong e ma ngalua umu ma umomtong.

Matyu 11:5

Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Matyu 15:12

Deka ila disaipel time tiwai ke iye langane. “Emile osep Farisi ina tiklingen lem pelengon e aitno lisak soulu ine?”

Matyu 18:31

E alo ka omur tonari ina plaungan leklou tiklingen ine tinokngos ine e isak kla ke gute ka vri mgo ke omur ari e tipalongo ila ine.

Matyu 20:7

E isak tikoli tiwai langane. ‘Imevri adai kesua gute gesa kli imi ma imodue ila bokongon kovok.’ Deka gute wai ke isak langane. ‘Umu blang umala umoboko ke lou yage.’

Luk 14:13

E alo ka ompou rogo empmi osep ka langane ma time. Empmi osep ka urok wan isuk boto vala e osep ka pampamu lisak soulu e osep ka kamsak soulu e osep ka amtarsak evin time.

Luk 14:20

E gute silang blang wai langane. ‘Ngagi lou asap oku ane e ke batne ane ngakaranga ngame kovok.’

Luk 14:22

Gute bokongon ina didi ila pelengon kodong deka wai ke iye langane. ‘Ngau puda ngadue wan ka amwai ine e dau ninu bon kovok.’

Luk 14:24

Ngawai ke wom langane. Gute kene ke oep ka ngapmi isak mgo ma time ke rogo ma tingen lou ngangon sasi boto vala kovok.’”

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Luk 9:10

Alo ka osep aposel tiding ke Yesus tipalongo ila ke wan keniye ka tidue. Deka iye due isak vala e tisongon osep leklou e isak kla ke armok kene ka angaine Betsaida.

Jon 9:39

Deka Yesus wai langane. “Ngame ke taklak ane ma ngawade osep ka pula keniye urok elio. Ma osep ka amtarsak evin tikaranga tivati omur e osep ka tivati omur tipolou langka osep ka amtarsak evin.”

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

Hibru 2:3

Deka oku ane langane. Langka itopul dogur ke elio ka Ida Tapolngon lua ite ke udo elio epmes ina ka mole Moses ila sogongon tonari ma itokos ke Ida Tapolngon ila wadengen kovok. Mgo Ida Puda napapra Ida Tapolngon ila pelengon itau ka karanga lua ite ke udo elio epmes ina. Deka osep ka tiklingen ine tipalongo udo langane. Pelengon tonari pelengon lokono.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

Pelengon kukwopngon 19:15

E elil omba ka ene lokono dong ke gute tonari ene e polou. E ke elil omba tonari iye mole osep ke omur ka pula keniye ke taklak. Iye kis wan langka matu ka tidue ke ain e iye plau osep ka pula keniye ine. Ma kamla pes galou wain toru ine ke tang omba ka lana ine la ka Ida Tapolngon ka ila arit ombatno aitno ila engil.

Pelengon kukwopngon 22:17

Ano Itau kap apmang ka Sipsip Otno ila asap isak orwo tiwai langane. “Umomo.” E osep ka tiklingen pelengon ane tiwai langane blang. “Umomo.” Gute ka aki vel iye ma iye me. E gute ka waiki inim iye ma me inim aki ka mosongon ina ka Ida Tapolngon kare ke iye adai.