Luk 14:13 - Aria New Testament

¹³ E alo ka ompou rogo empmi osep ka langane ma time. Empmi osep ka urok wan isuk boto vala e osep ka pampamu lisak soulu e osep ka kamsak soulu e osep ka amtarsak evin time.

Luk 14:13 ပူးပေါင်းရင်းမြစ်များ

Matyu 15:30

E osep pula pula time ke iye e tipaur osep ka tikaranga tilila kovok e osep ka kamsak limsak timete e osep ka amtarsak evin e osep ka tikaranga tiwai kovok e osep pula leklou ka tipaia. E tidue isak tidong olwo boto ke Yesus kamla e iye due isak tipolou itau blang.

Matyu 22:10

E ila wokboi nating isak kla ke ekreng omba e tigom osep keniye ka tipado isak. Tigom osep ka itau e osep ka soulu ma time deka ninu ka tingen gingen ina rogo ine bon ke osep.”

Luk 11:41

E umakar wan ka dong ke aitno lumu ke osep ka urok wan isuk boto vala e ma wan bitna bitna tipolou eip ke umu.”

Luk 14:12

Deka Yesus wai ke gute ka pmi iye me ngen ngangon langane. “Alo ka ompou rogo empmi lem saten koke ngap titovro koke ngap saiver koke lem osua time kovok. E empmi osep ka tidong olwo boto ke wom ka urok mani pula time kovok. Langka empmi isak ma tipmi wom ke rogo ka tipoue blang e tikoli batne ke wom ine.

Luk 14:14

E ma aitno lugom itau itau ine. Kesua lama tikaranga tikoli batne ke wom kovok mase alo ka Ida Tapolngon due osep ka tidong itau e osuk ke bitna titito tidong blang ma iye koli batne ke wom.”

Luk 14:21

Gute bokongon ina tonari iding e palongo ina puda ine deka gute amnga lokono e wai ke ila gute bokongon ina langane. ‘Omsuong amla ke ekreng omba e ekreng daudeng ke armok ane e omdue osep ka urok wan isuk boto vala e osep ka pampamu lisak soulu e osep ka amtarasak evin e osep ka kamsak soulu ma time.’

Aposel 9:39

Pita klingen urok pelengon deka iye tito e la kap isak. Tididi ekreng e tipolou ke Dorkas ila ninu deka tipaur Pita tito ke ninu ina eliang ka dong egim. Apmang ka sasap batne tivri olwo boto ke Pita e tikngis ke Dorkas deka tinis iye ke klos e molo ka oglou Dorkas due.

1 Timoti 3:2

Gute ka waiki dong sios ina plaungan ma iye didi elio itau vala ma osep tivati elio soulu gesa vri ke iye kovok. E ma esna kene vala. Ma iye dong itau e didi elio itau vala e plau iye itau. E ma iye kere osep kaulei ka time ke ila ninu. E ma iye karanga parere osep ke Ida Tapolngon ila pelengon.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

Taitus 1:8

Iye due elio itau e kere osep ka time ke ila ninu itau. E aitno itau ke elio bitna bitna ka itau vala. E iye plau iye itau. Iye didi elio isuk isuk ka itau e Ida Tapolngon ila elio bitna bitna vala. Iye ile iye itau lama iye due elio soulu.

Filemon 1:7

Lou aten aitno lungong itau ke wom. Ngaklingen wom lana wom ke Ida Tapolngon ila osep e ke elio ane omdue aitno lisak ila dagar dong dagar. Deka lem elio tonari due aitno lungong neser omba e ngadong itau ine.

Hibru 13:2

E omtomu sisir langane. Alo ka osep kaulei time ke umu deka umekere isak itau. Kesua umeile oglou ensel leklou tipolou e osep tivati isak langka isak osep kaulei. E tikere isak itau e tile isak ensel kovok.