Luk 13:34 - Aria New Testament

³⁴ Aisudo. Osep Jerusalem ina umodue burwa ke osep napaprangan ina e umouri opmu ke osep ka Ida Tapolngon pagei isak ke umu ma timete ine. Aling pula ngawaiki ngagom umu ke ngong langka kwako gom titno ke pena bisna. E umawaiki umodue langane kovok.

Luk 13:34 ပူးပေါင်းရင်းမြစ်များ

Matyu 22:3

E iye vai ila wokboi nating ma tiwai ke osep ka iye waiki time ke gingen ina rogo ma time. E tiwaiki time kovok.

Matyu 22:6

E osep leklou tikis ila wokboi nating e tidue elio soulu ke isak e timluk isak ma timete.

Luk 15:28

Deka gute ka sirngen aitno amnga e iye waiki sep ke ninu kovok. E timla polou ke iye e pmi iye dagar me iye sep.

Luk 19:44

Ma tiuri umu kap titnomu ke taklak ma umemete ke armok aitno. Ma tidardar lumu ninu ma opmu kene napal munu ke opmu silang kovok. Ma tidue langane kesua batne umeile taim alo ka Ida Tapolngon me e waiki lua umu kovok.”

Luk 23:28

E Yesus bauluk e wai ke isak langane. “Umu apmang Jerusalem ina umekngis ke ngong kovok. Aurou. Umekngis ke umu tona e titopmu.

Aposel 7:52

Oglou lumu seia tidue agegeng ke osep napaprangan ina keniye. Tidue burwa ke osep tonari ka oglou tinapapra ke isak ke gute ka ila elio itau lokono ka ma me. Mase gute tonari me ke umu e umalai iye ina e umodue burwa ke iye.

Aposel 7:59

Isak dau tiuri opmu e timluk Stiven ine deka iye wai itau ke Ida Puda langane. “Ngau Puda Yesus omdue anngong.”

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

Pelengon kukwopngon 11:8

Timete deka pampamu lisak ma timunu ke ekreng ke armok omba ka Inarak Puda mete ke ina akai ine. E ke pelengon ano tisir armok tonari Sodom koke Isip.