Luk 13:3 - Aria New Testament

³ Ngawai ke umu langane. Aurou va. E langka umabauluk aitno lumu ke lumu elio epmes ina kovok umu blang ma umeimina.

Luk 13:3 ပူးပေါင်းရင်းမြစ်များ

Matyu 12:45

Deka iye la pado angelo soulu lumorwo leklou ka urok elio soulu mole ila elio soulu e tisep tidong ke gute tonari. E gute ila mosongon soulu lokono e mole ila mosongon ka dong alo ka angelo soulu songon iye mgo. Pelengon ane nisngen ke wan ka polou ke osep ka tidong eknikane.”

Matyu 22:7

E gute ka vri mgo ke omur are aitno engil lokono e iye pagei ila osep ola ina e timter osep ka tidue burwa tonari ma timete e tibik urok armok ma eiou ngene.

Matyu 3:2

“Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Luk 13:2

E Yesus koli wai ke isak langane. “Aitno lumu lange? Osep Galili ina tonari urok elio epmes ina mole osep Galili ina leklou urok elio epmes ina deka tinamani elio langane koke aurou?

Luk 13:4

Koke aitno lumu mter ke osep songotno lumeklu ka timete alo ka ninu ka dong egim alang ka dong ke omur Siloam gene duru ke isak. Aitno lumu lange? Urok elio epmes ina mole osep Jerusalem ina leklou urok elio epmes ina koke aurou?

Luk 13:5

Ngawai ke umu langane. Aurou va. E langka umabauluk aitno lumu ke lumu elio epmes ina kovok umu blang ma umeimina.”

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Aposel 3:19

Eknikane umabauluk aitno lumu ke lumu elio epmes ina e aitno lumu la dagar ke Yesus. Langka aitno lumu la dagar ke Yesus ma Ida Tapolngon sak lumu elio epmes ina la. Deka ma tivri ke umu kovok.