Luk 13:28 - Aria New Testament

²⁸ “E ma umekngis omba e umasak opmu erine pulu kesua aitno lumu engil lokono alo ka umavati Abraham e Aisak e Jekop e osep napaprangan ina keniye tidong ke omur ka Ida Tapolngon plaue. E Ida Tapolngon ma sapir umu e umodong ke dogur vala.

Luk 13:28 ပူးပေါင်းရင်းမြစ်များ

Matyu 13:42

E tiuri isak ke eiou omba e ma osep tonari tikngis omba e tisak orsak erine pulu kesua tarna lisak doro doro lokono.

Matyu 13:50

E tiuri isak ke eiou omba e ke omur tonari osep ma tikngis omba e ma tisak orsak erine pulu kesua tarna lisak doro doro lokono.”

Matyu 22:13

Deka gute ka vri mgo ke omur wai ke ila osep bokongon ina langane. ‘Umopou gute ane limla e kamla e umouri iye ke aivoro ke dogur. Ke omur are osep tikngis omba e tisak orsak erine pulu kesua tarna lisak doro doro lokono.’”

Matyu 24:51

E ma iye ules iye omba e due dong kap osep ka aitno lisak orwo. Ke omur ari osep tikngis omba e tisak orsak erine pulu kesua tarna lisak doro doro lokono.”

Matyu 25:30

Umodue wokboi nating ane ka karanga lua ngong kovok e umouri iye ke dogur ka aivoro. Ke omur ari osep ma tikngis omba e tisak orsak erine pulu kesua tarna lisak doro doro lokono.’”

Luk 10:15

E umu osep Kaperneam ina aitno lumu mter osep ma tidue anit ke umu ke omur heven i? E aurou. Ma umoduru ke omur hel.”

Luk 14:15

Gute kene ka ngen kap Yesus klingen ila pelengon tonari deka wai ke iye langane. “Gute ka ngen ngangon ke omur ka Ida Tapolngon plaue aitno itau itau.”

Luk 16:23

E iye dong ke omur ka osep ka timete kodong tidong ine e ngangir omba e tarna doro doro. E bitna tito e iye vati Abraham dong mawa lokono e vati Lasarus dong ke galna.

2 Tesalonaika 1:5

Ke wan ka polou ke umu Ida Tapolngon nis ite langane. Iye didi elio itau vala e wade osep ine e ila wadengen osuk vala. E aitno itau ke umu langka aitno itau ke osep ka iye rere isak ma tikaranga tisep ke ila omur. Ke batne langane umanamani wan soulu bitna bitna.

2 Pita 1:11

Umodue langane deka alo ka umemete kodong e umetito ke omur heven Ida Tapolngon ma klok ekreng bitna ke umu. Ma umesep ke omur ka Ida Puda e Ida Luangan Yesus Krais tiplaue ka dong vala dong.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.