Luk 12:48 - Aria New Testament

⁴⁸ E langka gute bokongon ina ile ina puda aitno kovok e due wan ka dar ina puda aitno ma iye ules iye sasi boto vala. Kesua langka osep tidue wan pula io ma tikoli wan pula blang. E osep ka osep leklou tikar isak wan pula ma tiplaue io tiwaiki tikoli batne ke wan pula pula.”

Luk 12:48 ပူးပေါင်းရင်းမြစ်များ

Matyu 13:12

Osep ka tidue wan kene ma tidue wan leklou blang e urok wan pula pula tidong e osep ka aitno lisak mter urok wan kovok wan sasi boto ka tidong ke isak ma Ida Tapolngon pie ke isak.

Luk 12:41

Deka Pita pmi Yesus lang-ane. “Ipem Puda amwai pelengon ano ane ke imi vala koke amwai ke osep ka pula keniye?”

Luk 12:49

“Ngame ma ngadue eiou polou ke taklak e ngawaiki eiou tonari bublo kodong.

Luk 16:2

E gute gi ke ila gute bokongon ina ma iye me e pmi iye langane. ‘Lange ke elio ka osep tisin isak tivri ke wom? Omsogo pepa e ampalongo lou ke elio ka amplau lou wan. Kesua amkaranga omdong e amplau lou wan blang kovok.’

Jon 15:22

“Langka ngame e ngawai ke isak ke urok elio epmes ina kovok urok elio epmes ina vri ke isak e munu pes isak kovok. E ngame e ngawai ke isak ine e oku ane tikaranga tikukwop urok elio soulu kovok.

Aposel 17:30

Oglou ari itosep aitno lite kaka ke Ida Tapolngon e aitno mter ine vala. E iye ules ite ine kovok. Eknikane Ida Tapolngon wai dagar ke osep ka pula keniye ma tibauluk aitno lisak ke urok elio epmes ina e aitno lisak la dagar ke iye vala.

1 Timoti 1:11

Pelengon lokono tonari Ida Tapolngon ila omon itau ka iye kare ke ngong ma nganapapra ine. Omon itau tonari me ke Ida Tapolngon ka ila elio keniye itau itau. Deka omon tonari itau itau blang.

1 Timoti 1:13

Lokono. Oglou aling aling ngawai soulu ke iye e ngadue agegeng ke ila osep e ngawai sasi ke iye. E dau iye ile ngadue elio tonari kesua ngaile iye kovok e aitno lungong dagar ke iye kovok. Deka aitno due ngong.

1 Timoti 6:20

Timoti. Ma amplau boko-ngon ka Ida Tapolngon kare ke wom itau lokono. E ma ompul dogur ke osep ka tiwai pelengon bitna bitna ka didi Ida Tapolngon aitno kovok. E omdong mawa ke osep ka tiwai pelengon adai ka para pulu ke Ida Tapolngon ila pelengon. Aitno lisak langka urok ilengen omba e tile itau lokono. E dau tile lokono kovok.

Taitus 1:3

Deka taim ka iye rere kodong iye rere osep leklou ma tinapapra ila omon itau. Deka ke elio langane iye due ila pelengon polou malak ma osep tile omur ine. Deka Ida Tapolngon ka lua ite ke udo elio epmes ina rere ngong ma nganapapra ila omon itau.

Jems 3:1

Sipmi. Ngawai ke umu lang-ane. Umu pula umopolou osep parerengen ina ma umaparere osep ke Ida Tapolngon ila pelengon kovok. Kesua mase alo ka Ida Tapolngon wade osep ka pula keniye urok elio ma iye vati imi osep parerengen ina limem elio e wade imi ine lokono.