Luk 12:42 - Aria New Testament

⁴² E Ida Puda koli wai langane. “Gute bokongon ina sei ka ile itau e didi ina puda ila pelengon e ina puda rere ma iye mgo plau ila osep bokongon ina leklou e ma iye kar inarak ngangon ke isak alo ka ina puda rere?

Luk 12:42 ပူးပေါင်းရင်းမြစ်များ

Matyu 13:52

E Yesus wai ke isak langane. “Deka osep ka tile itau ke Moses ila sogongon e silang blang tile itau ke elio ka Ida Tapolngon plau osep isak langka gute ka dong ke ila ninu. Iye la ke eliang ka ila wan itau lokono dong ine e iye due wan itau ka oku ina e wan itau ka oglou ina.”

Matyu 20:8

E alo ka isuk boto epmes polou yage ina gute wai ke gute ka plau ila osep bokongon ina langane. ‘Emgi osep ka tiboko ma tidue urok klingen. Omnogrum amkar klingen ke osep ka tiboko isuk boto vala la lama amkar klingen ke osep ka tinogrum tiboko ke 6 kilok ke kotkotu.’

Luk 12:43

Alo ka ina puda iding me langka gute bokongon ina tonari dong due ila bokongon itau ma aitno itau itau.

Luk 7:13

E alo ka Ida Puda vati apmang aitno kro ke iye e wai ke iye langane. “Emkngis kovok.”

Luk 7:19

E Jon gi ila disaipel gesa orwo e pagei isak ke Ida Puda. Ma tipmi iye langane. “Wom gute ka imapara ke iye ma iye me koke ma imekrim ke gute silang?”

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

1 Timoti 3:15

E langka ngame paide kovok amvati pelengon ka ngasogoe ma emile elio itau ka ite ka Ida Tapolngon ila osep itedidie. Ite ka Ida Tapolngon ila osep itodong langka Ida Tapolngon ka dong vala dong ila sios. E sios langka kadanga komdungo ina ka dagar e kis dagar ke Ida Tapolngon ila pelengon.

1 Timoti 5:17

Umu ma umakar osep plaungan ina inarak klingen ke bokongon itau ka tidue. Osep ka tidue wan langane. Osep ka tiplau sios itau e tinapapra osep ke Ida Tapolngon ila pelengon e tiparere isak ke lana ine.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.

Taitus 1:7

E emile gute ka plau sios plau Ida Tapolngon ila bokongon. Deka ngawaiki iye due elio itau vala ma osep ka pula keniye tikaranga tivati elio soulu gesa vri ke iye kovok. Aitno mter langka angaine omba e iye karanga pagei osep kovok. E aitno nevlik kovok. Iye inim aki dagar ma bitna balilu kovok. Aitno amnga suong deka iye mluk osep kovok. E aitno vri ke mani vala kovok.

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

Hibru 13:7

Aitno lumu mter ke osep ka oglou tiplau ke umu e tiwai Ida Tapolngon ila pelengon ke umu. Aitno lumu mter ke urok mosongon e urok elio itau e umakana aitno lisak ila dagar.

Hibru 3:5

Moses dong Ida Tapolngon ila gute bokongon ina e iye didi ila bokongon itau. E iye wai ke pelengon ka mase Ida Tapolngon ma wai ine.

1 Pita 4:10

Umedidi kerengen ka Ida Tapolngon kare ke umu kenmu kenmu deka umolua osep leklou ine. Umu Ida Tapolngon ila osep bokongon ina deka umolua umu pulu ke kerengen ka iye kare ke umu.