Ma osep tiwai langane. “Aitno lite epen pulu e itodong itau e itelim ke wan gesa kovok.” Deka suong paide wan ka due agegeng ke isak ma polou lisak langka apmang ka somugu namani mimi ngen iye. E ma tikaranga tiulou ke elio tonari kovok.
Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.
Iteile alo ka titnada tidivir ite e itopolou ke taklak ane itakalke wan gesa me kap ite kovok. E alo ka itemete ma itakaranga itakalke wan gesa la kap ite kovok.