Luk 12:19 - Aria New Testament

¹⁹ Deka ma ngawai ke ngong tona langane. “Lou brokngon pula pula tidong e tikaranga ke tobor pula. Ma ngamtong e ngangen pula e ngainim pula e ma aitno lungong dong itau.”’

Luk 12:19 ပူးပေါင်းရင်းမြစ်များ

Luk 12:18

E iye wai ke iye tona langane. ‘Ma ngadue langane. Ma ngadar lou ngangon ina ninu ninu e ma ngauri ngangon ina ninu ninu omba e ngadue ngau wit londo e lou wan silang sep ke isak.

Luk 16:19

E Yesus wai ke isak blang langane. “Oglou gute gesa dong ka ila mani pula pula e aling aling iye tnei klos ka edimor e okou ka itau lokono e oklou kene kene iye ngen ngangon ka itau lokono.

Luk 21:34

“E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong.

1 Korin 15:32

Langka ngadidi aitno lungong vala e ngadue bokongon ane ina lange ngadue evlei ke ongwa kevena ke armok Efesus? Langka osep ka timete kodong tikaranga tipoga titito ke inarak denga kovok deka ma itedidi osep leklou urok pelengon ka wai langane vala. “Eknikane ma itangen ida ngangon e iteinim ida aki kesua masalang ma itemete.”

Filipai 3:19

Osep tonari tidue wan ka pampamu lisak waiki tidue vala. Aitno lisak neser ke wan ka osep pula mnak isak ine e aitno lisak mter ke wan bitna bitna ka taklak ina vala. Osep ka tidue elio langane ma tikluk ke omur hel.

1 Timoti 5:6

E langka apmang ka isak sasap batne mase tididi pampamu lisak vala deka apmang tonari tidong langka ansak vala timete kodong.

1 Timoti 6:17

Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.

2 Timoti 3:4

Ma tilai osep inarak e ma tisuong tididi aitno lisak ke wan ka kaka e ma aitno lisak mter ke isak kensak kensak vala. Ma aitno lisak mter ke elio bitna bitna ke taklak ka due aitno lisak itau e ma aitno lisak mter ke Ida Tapolngon kovok.

Jems 5:5

Umodong ke taklak e umodue lumu brokngon pula e aitno lumu mter ke umu tona e lumu wan tonari lua umu vala. Umangen pula deka umerim omba. E isuk boto oklou ka osep timke umu e umemete ine ma polou.

1 Pita 4:3

Ke oglou kodong umodue elio epmes ina bitna bitna ka osep epmes ina tidue. Ari umodue elio epmes ina e elio ulik ulik ka pampamu lumu waiki umodue. Umeinim aki dagar ma omtomu balilu e umodue rogo ka umodue elio okwa ine. E umodue rogo omba ka umeinim aki dagar e umodue elio soulu ine. E aitno lumu la ke sapingen bitna bitna ka Ida Tapolngon aitno soulu lokono ke isak.

Pelengon kukwopngon 18:7

Ke oglou iye kakai angaine tito la egim e iye didi aitno ma iye due wan bitna bitna pula. Deka ma omdue agegeng karanga ke ila elio tonari. Iye wai ke aitno langane. ‘Ngong apmang ka ngavri mgo ke omur kene e ngong apmang asap batne kovok. Ma ngakngis omba langka apmang ka sasap batne kovok.’