Luk 12:11 - Aria New Testament

¹¹ “E alo ka osep tipaur umu ke duningen ina ninu e umodong ke osep plaungan ina e osep gavman ina amtarsak aitno lumu kro ke pelengon ka ma umawai ke isak koke wan ka umodue kovok.

Luk 12:11 ပူးပေါင်းရင်းမြစ်များ

Matyu 23:34

Ke batne langane ma ngapagei osep napaprangan ina e osep ka urok ilengen omba e osep ka tiparere umu ke Ida Tapolngon ila pelengon ke umu. E umodue burwa ke isak leklou e umenilim isak leklou ke inarak akai e umoules isak leklou ke lumu duningen ina ninu e umesik isak kla ke armok armok.

Matyu 6:25

“Ngawai ke umu langane. Aitno lumu mter pula ke lumu mosongon ke taklak ane kovok. Aitno lumu mter pula ke wan ka umangen koke wan ka umeinim koke wan ka umetnei kovok. Lange? Wan ka umangen koke wan ka umetnei isak wan omba ke lumu mosongon? Aurou.

Matyu 6:27

Langka aitno lumu mter pula ke lumu mosongon are karanga lua umu ma umodong tauni ke taklak ane? Aurou.”

Matyu 6:28

“Ina lange aitno lumu kro ke wan ka umetnei? Aitno lumu mter ke plaua. Tiboko engil ma tidue wan ka titnei kovok.

Matyu 6:31

E oku ane aitno lumu kro pula langane kovok. Ipem ngangon dong ma imakaranga imangen koke aurou? Ipem aki dong ma imakaranga imeinim koke aurou? Limem klos dong ma imakaranga imetnei koke aurou?

Matyu 6:34

E silang blang aitno lumu mter pula ke wan ka ma polou kotu kovok. Kesua alo ka kotu polou ma aitno lumu mter ine. E ke oklou kene kene elio opru ka dong ine karanga ke oklou tonari vala.”

Luk 12:22

E Yesus wai ke ila disaipel langane. “Ngawai ke umu langane. Aitno lumu kro ke lumu mosongon e wan ka umangen kovok. E aitno lumu kro ke pampamu lumu e wan ka umetnei kovok.