Luk 11:9 - Aria New Testament

⁹ E ngawai ke umu langane. Langka umepmi Ida Tapolngon ke wan ma iye kare ke umu e langka umekrim ke wan ma umapadoe e langka lupmu nopolpol ke ekreng bitna ma Ida Tapolngon kloke ma umakaranga umesep ke ninu.

Luk 11:9 ပူးပေါင်းရင်းမြစ်များ

Matyu 21:22

Langka aitno lumu dagar ke Ida Tapolngon alo ka umawai itau ke iye ma umodue wan ka umepmi iye ine.”

Matyu 21:31

Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu.

Matyu 6:29

E dau ngawai langane. Oglou gute Solomon ka ila mani pula lokono bares ke wan ka mole plaua kovok. Aurou.

Mak 11:24

“E ngawai ke umu langane. Langka umawai itau ke Ida Tapolngon e aitno lumu dagar ma iye lua umu ke elio ka umepmi iye ine ma iye lua umu ine.

Mak 13:37

E pelengon ane ka ngakare ke umu ngakare ke osep ka pula keniye. Umodong umaplau umu itau.”

Luk 11:10

Kesua osep ka pula keniye ka tipmi iye ke wan ma tidue e osep ka tikrim wan ma tipadoe e osep ka limsak nopolpol ke ekreng bitna ma Ida Tapolngon kloke ke isak.”

Jon 14:13

E wan ka umepmi Ida Tapolngon ine batne ke ngong ma ngadue ma Ida Tapolngon Otno Arang nis osep ke Timla ila elio ka itau lokono.

Jon 15:16

“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 15:7

“Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

Jon 4:10

E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

2 Korin 6:2

Umoklingen Ida Tapolngon ila pelengon. Iye wai langane. “Alo ka ngawaiki nga-klingen lumu pelengon ma ngaklingen ine. E alo ka ngawaiki ngalua umu ke lumu elio epmes ina ma ngalua umu ine.” Umoklingen. Eknikane Ida Tapol-ngon ma klingen ite e lua ite ke udo elio epmes ina.

Hibru 11:6

E langka aitno lite dagar ke Ida Tapolngon kovok deka itakaranga itodue elio gesa ka Ida Tapolngon aitno itau ine kovok. Kesua gute ka waiki polou olwo boto ke Ida Tapolngon ma aitno dagar ke elio ka Ida Tapolngon dong e iye kar wan itau itau ke osep ka tikrim ke iye e tipado iye.

Hibru 4:16

Deka ma itopolou olwo boto ke Ida Tapolngon ka makai ite e itoulou ke iye kovok. Ma aitno due ite e ila makaingan polou ke ite e lua ite alo ka elio bitna bitna polou ka opru ite.

Jems 1:5

E dau langka gute gesa ke umu karanga ile itau ke wan kene kovok ma iye pmi Ida Tapolngon ine e Ida Tapolngon ma kar ilengen ke gute tonari. Aling aling Ida Tapolngon kar ilengen omba ke osep ka tipmi iye ine e aitno soulu ke pmingen tonari kovok.

Jems 5:15

Deka langka osep tonari aitno lisak dagar ke Ida Tapolngon e tiwai itau ke iye Ida Tapolngon ma lua gute ka paia ma iye polou itau blang. E langka oglou gute tonari due elio epmes ina Ida Tapolngon ma klok ila elio epmes ina la.

1 Jon 3:22

E langka itepmi Ida Tapolngon ke wan bitna bitna deka iye koli udo pmingen. Iye due langane kesua iteini ke ila pelengon e itodue elio isuk isuk ka aitno itau ine.

Pelengon kukwopngon 2:24

“Deka eknikane ngawai ke umu leklou ke sios ke Taiataira langane. Umedidi apmang are ila pelengon kovok. E umeile ke parerengen ka tisire Satan ila pelengon ka kukwop kovok. Deka ma ngadue elio silang ka opru umu kovok.