Luk 11:4 - Aria New Testament

⁴ E amsak limem elio epmes ina e omlua imi ma imasak elio soulu ka osep tidue ke imi. E silang omsongon tokngon ma polou ke imi kovok.’”

Luk 11:4 ပူးပေါင်းရင်းမြစ်များ

Matyu 18:35

Deka Yesus wai langane. “Livou ka dong ke omur heven ma due elio eriar langane ke umu langka lokono umasak elio soulu ka lumu osua tidue ke umu kovok.”

Matyu 26:41

Umaplau umu itau e umawai itau lama Satan tok umu e umodue elio epmes ina kesua aitno lumu waiki due elio itau e dau pampamu lumu waiki due elio itau kovok.”

Luk 11:5

Deka Yesus wai ke isak langane. “Langka gute kene ke umu ila aten dong e umala ke iye ke epmes airavu e umawai langane. ‘Ate amkar bret eklu ke ngong.

Luk 13:4

Koke aitno lumu mter ke osep songotno lumeklu ka timete alo ka ninu ka dong egim alang ka dong ke omur Siloam gene duru ke isak. Aitno lumu lange? Urok elio epmes ina mole osep Jerusalem ina leklou urok elio epmes ina koke aurou?

Luk 22:46

Deka iye pmi isak langane. “Ina lange umomunu kudung? Umetito e umawai itau ke Ida Tapolngon ma tokngon tipolou ke umu kovok.”

Luk 8:13

E londo ka tiduru timunu ke taklak ka isuk boto vala ka napal munu ke opmu tona isak langka osep ka tiklingen omon itau e suong bara lisak due e aitno lisak neser ine. E dau tidong dagar ine kovok kesua isak langka wit erine ka gigitno kovok e aitno lisak dagar sasi boto vala e alo ka tokngon polou ke isak io tisongon aitno lisak ila dagar.

Jon 17:15

E ngawai itau ke wom ma empi isak ke taklak kovok. Aurou. Ngawaiki amplau isak itau ma Satan karanga due pogle ke isak kovok.

1 Korin 10:13

E langane. Tokngon bitna bitna ka tipolou ke umu ane isak eriar langka tokngon bitna bitna ka tipolou ke osep ka pula keniye. E Ida Tapolngon didi ila elio itau e songon tokngon gesa ma polou ke umu kovok ka umakaranga ine kovok. Langka tokngon gesa polou ke umu ma Ida Tapolngon mosi ekreng e lua umu ma umepren ke tokngon tonari e ma iye due umu umakaranga umevri dagar ine.

Kolosi 3:13

Umodue elio itau ke osep ka tidue elio soulu ke umu e langka gute due elio soulu ke umu deka umu kenmu kenmu umasak ila elio soulu ka iye due. Umasak osep urok elio soulu eriar langka oglou Ida Puda sak lumu elio epmes ina.

2 Tesalonaika 3:3

E Ida Puda ila elio langane. Iye wai lokono deka iye didi ila pelengon. E iye ma due umu umevri dagar e plau umu ma Satan karanga due wan soulu ke umu kovok.

2 Timoti 4:18

E Ida Puda ma lua ngong ke elio soulu ka osep tiwaiki tidue ke ngong. E mase ma iye paur ngong ke omur heven ka iye plaue. Ma itakakai Ida Puda angaine tito la egim dong vala dong.

Jems 2:13

Deka langane. Langka aitno lite due osep leklou kovok deka alo ka Ida Tapolngon wade ite ma aitno due ite kovok blang. Elio ka aitno lite due osep mole elio ka itawade osep.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 3:10

Umedidi lou pelengon itau kodong e umevri dagar ke elio ka tipolou ka opru umu. Deka ma ngaplau umu itau ke taim ka tokngon polou ke osep ka pula keniye ke taklak e tinamani elio soulu.