Luk 11:36 - Aria New Testament

³⁶ Langka pampamu lumu ongwa ine keniye bublo e ongwa ine leklou aivoro kovok deka pampamu lumu ma bublo langka lam bublo ke umu.”

Luk 11:36 ပူးပေါင်းရင်းမြစ်များ

Matyu 13:52

E Yesus wai ke isak langane. “Deka osep ka tile itau ke Moses ila sogongon e silang blang tile itau ke elio ka Ida Tapolngon plau osep isak langka gute ka dong ke ila ninu. Iye la ke eliang ka ila wan itau lokono dong ine e iye due wan itau ka oku ina e wan itau ka oglou ina.”

Matyu 5:15

E silang osep tibik lam e tikadinge ke gimare kovok. Aurou. Tidue sep ke wan ka lam dong ine e bublo ma osep ka tidong ke ninu tikaranga tivati malak.

Luk 11:35

Deka umaplau umu itau lama esluk ka bublo ke pampamu lumu polou aivoro.

Luk 11:37

Alo ka Yesus wai yagos gute Farisi ina gesa me ke iye e pmi iye ma iye me ngen kap iye. Deka iye la sep ke ninu e dong ke bota.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

Hibru 5:14

E osep ka tikaranga tingen ngangon dagar isak ngongle. E tididi Ida Tapolngon ila pelengon e tikaranga tiwade elio itau e elio soulu.

Jems 1:25

E gute ka klingen Ida Tapolngon ila pelengon dagar ka itau lokono deka meit ine e bitna uli ine kovok ma Ida Tapolngon kere iye itau ke ila elio isuk isuk ka iye due. Kesua pelengon dagar tonari karanga due ite itodong fri.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.