Luk 11:34 - Aria New Testament

³⁴ E omtomu langka lam ka bublo ke pampamu lumu. Langka omtomu itau deka wan langka esluk bublo ke pampamu lumu ongwa ine keniye. E langka omtomu sasi deka pampamu lumu ongwa ine keniye langka aivoro.

Luk 11:34 ပူးပေါင်းရင်းမြစ်များ

Mak 4:12

“Elio ka ngawai ke osep ke pelengon ano didi pelengon ka oglou gute napaprangan ina gesa sogo ine langane. ‘Ma osep tivati wan itau e ma tile lana ine kovok. Ma tiklingen pelengon itau e ma tile lana ine kovok. Tidong tidue elio ka langane lama tile omur ine deka tibauluk aitno lisak ke urok elio epmes ina e Ida Tapolngon sak urok elio epmes ina la.’”

Mak 7:22

Ngalengen e elio epmes ina bitna bitna e yakngan ka osep tibisi ine e elio soulu bitna bitna ka isak mnak isak ine kovok e elio ka aitno lisak rim tipolou ke osep aitno lisak. E tiblou osep leklou dogursak e amtarsak epis. E tidue elio ka kaka.

Mak 8:18

Omtomu dong e umavati malak ine kovok? E talapmu dong e umoklingen malak ine kovok? Omtomu uli ke elio ka oglou ngadue i?

Luk 11:35

Deka umaplau umu itau lama esluk ka bublo ke pampamu lumu polou aivoro.

Aposel 13:11

Emklingen. Eknikane Ida Puda ila arit due wom deka emtem evin. Deka ma amvati oklou ila bublongon kovok. Ma emtem evin la iding ke alo ka Ida Tapolngon lua wom ine blang.” Pol wai langane deka lokono wan langka gaup kading bitna deka iye vati omur kovok. Deka iye lila krim osep leklou ma tipanene iye kesua bitna evin.

Aposel 2:46

Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan.

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

Efesus 1:17

Ngapmi Pmada ka Ida Puda Yesus Krais Ina Tapolngon ka ila bublongon e ila arit ombatno lokono ma iye due Ano Itau ma lua umu ma aitno lumu mter itau ke ila elio itau. Ma Ano Itau nis umu ke Ida Tapolngon ila elio itau ma umeile omur ke iye.

Efesus 6:5

Umu ka wokboi nating umoboko lumu bokongon ke elio langane. Umeini upu gute ka plau umu ila pelengon. Umodue anit ke iye e umedidi ila pelengon lokono. Aitno lumu mter ke wan langka upu gute aitno mter ine e umoboko ke ila bokongon eriar langka umoboko ke Krais ila bokongon.

Kolosi 3:22

Umu ka wokboi nating umeini upu puda urok pelengon keniye. Umoboko itau alo ka tikaranga tivati umu vala ma aitno lisak itau ke lumu bokongon kovok. Aurou. Umoboko itau lama tikaranga tivati umu koke tikaranga tivati umu kovok. Aitno lumu kene ke urok pelengon e umeinie itau. E ke elio langane umodue anit ke Ida Puda.