Luk 11:2 - Aria New Testament

² E Yesus wai ke isak langane. “Alo ka umawai itau umawai langane. ‘Pmemi omlua imi ma imodue anit ke wom. E imawaiki omur ka amplaue me ke taklak.

Luk 11:2 ပူးပေါင်းရင်းမြစ်များ

Matyu 10:32

“Langka osep tipalongo osep leklou isak lou osep io ma ngawai ke Livou ka dong ke omur heven tididi ngong.

Matyu 3:2

“Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Matyu 5:16

Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

Luk 11:1

Ke oklou gesa Yesus wai itau ke Ida Tapolngon ke omur kene. Alo ka iye wai itau yagos deka ila disaipel gesa pmi iye langane. “Ipem Puda amnasi imi ke elio ka imawai itau ke Ida Tapolngon langka Jon nasi ila disaipel ine.”

Pas ka Pol sogoe uti la ke osep Rom ina 1:7

­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.

Pas ka Pol sogoe uti la ke osep Rom ina 8:15

Ida Tapolngon tuktuk Ano Itau ke ite kente kente ma lua ite. E Ano Itau dangdang ite ke elio ka itoulou tarna lite ke wan bitna bitna e ma elio tonari plau ite blang kovok. Ida Tapolngon tuktuk Ano Itau ke ite ma itopolou titno vala. Deka Ano Itau due ite ka titno aitno lite e itawai ke Ida Tapolngon langane. “Abo. Livou.”

1 Korin 1:3

Ngawaiki Pmada ka Ida Tapolngon e Ida Puda Yesus Krais timakai umu e tidue aitno lumu epen.

2 Korin 1:2

Ngawaiki Ida Tapolngon ka Pmada kap Ida Puda Yesus Krais timakai umu e tidue aitno lumu epen.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

Efesus 1:2

Ma ngawaiki Ida Tapolngon ka Pmada e Ida Puda Yesus Krais urok makaingan dong kap umu e due aitno lumu epen.

Filipai 1:2

Ngawaiki Ida Tapolngon ka Pmada kap Ida Puda Yesus Krais timakai umu e tidue aitno lumu dong epen.

Filipai 4:20

E ma itakakai Ida Tapolngon ka Pmada angaine tito la egim dong vala dong. Lokono.

Kolosi 1:2

Imosogo pas ane uti ke umu ka Ida Tapolngon ila osep ka umodong ke armok Kolosi. Umu ka sipmi aitno lumu ila dagar dong dagar ke Krais. Ida Tapolngon ka Pmada ila makaingan dong kap umu e due aitno lumu dong epen.

1 Tesalonaika 1:1

Ngong Pol ngagosok Sailas e Timoti imosogo pas ane uti la ke umu ka umodong ke sios ke armok Tesalonaika. Umu ka pula keniye umodong ke Ida Tapolngon ka Pmada e Ida Puda Yesus Krais urok osua. Ma Ida Tapolngon ila makaingan dong kap umu e due aitno lumu tidong epen.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

2 Tesalonaika 2:16

Ida Puda Yesus Krais iye tona kap Ida Tapolngon ka Pmada isak lana isak ke ite e timakai ite. E tisruk aitno lite ma itodong dagar e itodong itapara ke alo ka Ida Tapolngon ma due ite itodong itau kap iye.

Pelengon kukwopngon 11:15

Deka ensel lumorwo ina ipu ina kuliep e ngaklingen osep ka tidong ke omur heven tiwai omba langane. “Elio ka osep tivri mgo ke omur omur ke taklak polou yagos e Ida Tapolngon ka iye Ida Puda kap Yesus ka iye rere gute Krais ma tiplau osep dong vala dong.”

Pelengon kukwopngon 15:4

Ipem Puda wom kenwom vala omdong itau lokono e osep ka pula keniye ma tidue anit ke wom e tikakai angain wom tito la egim. Ma osep ke omur ka pula keniye time ke wom e tilotuim wom. Kesua lem elio itau polou malak lokono e osep ka pula keniye tivati elio tonari.”

Pelengon kukwopngon 19:6

Deka ngaklingen ngusngon langka osep pula kre lisak. E ngusngon tonari langka aki nosur omba koke langka aragu nogrum omba. Tiwai omba langane. “Itakakai Ida Tapolngon ka iye Ida Puda blang angaine tito la egim. Kesua ila arit ombatno lokono e iye plau wan ka pula keniye.

Pelengon kukwopngon 20:4

Deka ke omur heven ngavati kova pula e osep tidong ke isak ka Ida Tapolngon kar arit ke isak ma tiwade osep ka pula keniye urok elio isuk isuk. E silang blang ngavati ansak ke osep ka aitno lisak dagar ke Yesus e tipalongo osep ine e tidong dagar ke Ida Tapolngon ila pelengon. Oglou tilotuim ongwa kevena kene ina e ila sapingen kovok e tidue ila nisngen ke bara lisak koke limsak kovok. Deka ke batne langane osep tiblou otuk lisak ma timete. Timete deka Ida Tapolngon due isak tidong blang e tidong langka osep plaungan ina kap Krais la lama iding ke tobor 1,000 mela yagos.