Luk 11:13 - Aria New Testament

¹³ Umu osep ka umodue elio soulu e dau umakar wan itau ke otopmu. Deka Pmomu ka dong ke omur heven ma mole lumu elio tonari e kar Ano Itau ke osep ka tipmi iye ine.”

Luk 11:13 ပူးပေါင်းရင်းမြစ်များ

Matyu 5:16

Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

Matyu 5:45

Umodue langane ma umodong Pmomu ka dong ke omur heven titno umu. Kesua iye due oklou tito ke osep ka itau e osep ka soulu e iye due aragu duru ke osep ka tidong itau ke bitna e ke osep ka tidong itau ke bitna kovok.

Matyu 6:14

“Langka umasak elio soulu ka osep tidue ke umu Pmomu ka dong ke omur heven ma sak lumu elio soulu.

Matyu 6:30

Wan ka polou adai langka plaua e gras tidong eknikane e kotu osep tiblou isak e tiuri isak ke eiou. E dau Ida Tapolngon due wan tonari bitna langka itau lokono. Langka iye due langane ke wan ka dong isuk boto vala ma iye due wan itau lokono ke umu. Ina lange aitno lumu ila dagar daudeng?

Matyu 6:32

Umeile langane. Osep ka tile Ida Tapolngon kovok aling aling aitno lisak kro pula ke wan bitna bitna tonari. Pmomu ka dong ke omur heven ile wan bitna bitna tonari lua umu ke lumu mosongon ke taklak ane.

Matyu 7:11

Lumu elio soulu e dau umakar wan itau ke titopmu. E Pmomu ka dong ke omur heven ma iye kar wan itau ke osep ka tipmi iye ine.”

Luk 11:12

Koke langka iye pmi iye ke kwako tovutno ma gute tonari kar iye gitu? Aurou.

Luk 11:2

E Yesus wai ke isak langane. “Alo ka umawai itau umawai langane. ‘Pmemi omlua imi ma imodue anit ke wom. E imawaiki omur ka amplaue me ke taklak.

Luk 18:7

Aitno lumu lange? Ma Ida Tapolngon lua e kere osep ka iye rere isak ila osep alo ka tiwai itau ke iye ke oklou e epmes koke aurou? Ma iye dong tauni deka lua isak koke aurou?

Jon 4:10

E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Pas ka Pol sogoe uti la ke osep Rom ina 5:17

Oglou ari Adam due elio epmes ina deka metengen duru ke osep ka pula keniye e due isak timete. E elio ka Yesus Krais lua ite ine mole elio ka oglou Adam due e duru dong ke ite. Deka osep ka Ida Tapolngon makai isak omba e due isak tipolou itau e osuk ke bitna kodong urok mosongon itau lokono. E osep ka tipolou itau e osuk ke Ida Tapolngon bitna kodong ma tidong itau kap Yesus blang.

Pas ka Pol sogoe uti la ke osep Rom ina 7:18

Ngong kenngong aitno lungong karanga mter elio gesa ka itau kovok. Langka ngawaiki ngadue elio itau ngakaranga ngadue kovok e ngadar Moses ila sogongon vala.

Pas ka Pol sogoe uti la ke osep Rom ina 8:32

Oglou Ida Tapolngon dangdang Otno Arang Yesus ke itosep kovok. Aurou. Iye pagei Yesus me polou ke ite ma iye kere itosep ka pula keniye ke elio itau lokono. E aitno lumu lange? Ida Tapolngon lua ite ke Yesus kodong deka mase ma iye songon ite? Ma iye lua ite kovok? Aurou. Ma iye lua ite itau lokono vala. Ila luangan dong vala dong ke ite.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.