Luk 10:25 - Aria New Testament

²⁵ Mase gute kene ka ile itau ke Moses ila sogongon tito vri ma iye tok Yesus e pmi iye langane. “Gute parerengen ina ma ngadue sua ma ngadue lou mosongon ka dong vala dong?”

Luk 10:25 ပူးပေါင်းရင်းမြစ်များ

Mak 10:17

Alo ka Yesus nogrum la ke ila langan gute gesa suong me polou ke iye e grum kamla ke bitna deka wai langane. “Wom gute parerengen ina ka itau ma ngadue sua deka ngadue mosongon ka dong vala dong?”

Mak 10:3

Deka Yesus koli wai ke urok pmingen langane. “Pelengon dagar ka oglou Moses sogoe e kare ke umu wai lange ine?”

Mak 12:28

Alo ari gute gesa ka ile itau ke Moses ila sogongon me polou ke Yesus e klingen osep Sadyusi ina tigosok Yesus timter pelengon pulu. Deka iye klingen Yesus ila kolingen e ile omur Yesus koli osep tonari urok pelengon itau. Deka iye pmi Yesus langane. “Pelengon dagar gesa lange ka oglou Moses sogoe mole pelengon dagar keniye ka iye sogoe?”

Luk 10:24

Ngawai ke umu langane. Oglou osep napaprangan ina pula e osep pula ka tivri mgo ke omur omur tiwaiki tivati wan ka umavati e tivati kovok. E tiwaiki tiklingen wan ka umoklingen e tiklingen kovok.”

Luk 10:26

E Yesus koli wai ke iye langane. “Moses ila sogongon wai lange? Emritim Moses ila sogongon e aitno lugom lange ine?”

Luk 18:18

Mase gute gesa ka angaine omba pmi Yesus langane. “Gute parerengen ina ka itau ma ngadue sua ma ngadue mosongon ka dong vala dong?”

Luk 7:30

E osep Farisi ina e osep ka tile itau ke Moses ila sogongon tipul dogur ke wan ka Ida Tapolngon waiki tidue kesua isak kla ke Jon ma iye paunim isak kovok.

Jon 8:6

Tipmi Yesus langane ma titok iye ke ila pelengon. Langka iye wai pelengon ka tikaranga tidue e tisin elio vri ke iye batne ke ila pelengon tonari. E Yesus manik duru e limla titno sogo ke taklak ina group.

Galesia 3:18

Langka itodue wan ka itau ka Ida Tapolngon rere ke ite batne itedidi Moses ila sogongon are langka itodue ke ekreng silang ka Ida Tapolngon ila promis dagar kovok. E iteile Ida Tapolngon kar ila kerengen ke Abraham batne ke ila promis dagar.