Luk 10:22 - Aria New Testament

²² Yesus wai itau yagos deka iye wai ke osep langane. “Livou kar wan keniye ke ngong kodong. Livou kene vala ile ngong ka Otno Arang e gute kene ile Livou kovok. E Otno Arang e osep ka iye nis isak ke Timla vala tile Livou.”

Luk 10:22 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 10:15

Ane eriar langka Livou ile ngong e ngaile Livou. E ngapli tarna lungong e ngamete ma ngaplau lou sipsip itau.

Jon 13:3

E Yesus ile Timla kar arit ke iye ma iye plau wan ka pula keniye e silang iye ile iye me ke Ida Tapolngon e ma iye iding ke Ida Tapolngon.

Jon 17:10

E lou osep ka pula keniye isak lem osep e lem osep ka pula keniye isak lou osep e ma tinis lou elio itau lokono e lou arit ka omba ke osep taklak ina.”

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 17:26

Ngapalongo urok ke wom kodong e ma ngapalongo urok ke wom blang ma elio ka wom lana wom ke ngong dong ke isak e ngadong kap isak blang.”

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 3:35

Ida Tapolngon ka Pmada lana iye ke Otno Arang e kar wan ka pula keniye ke limla ma iye plaue.

1 Korin 15:24

Alo ari ma Ida Tapolngon due taim ane ma yagos. Deka Krais ma due osep ka tivri mgo ke omur omur isak yagos e ma iye due angelo soulu ka urok arit omba isak yagos. E ma iye due wan ka pula keniye ka urok arit dong ke isak yagos. Deka ma iye kar wan tonari keniye ke Timla ka Ida Tapolngon.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

Efesus 1:21

Deka Krais dong ke omur heven e mgo ke ensel e wan ka pula keniye ka tidong ine e iye plau isak. Iye mgo ke osep ka pula keniye ka tidong ke omur omur ke taklak. Iye mgo ke osep ka pula keniye ka tivri mgo ke omur omur. Iye mgo ke osep keniye ka urok arit dong lisak. Iye mgo ke osep ngongle keniye. E angaine ombatno lokono e mole osep ka pula keniye ka eknikane tidong angainsak e osep ka pula keniye ka mase ma tidong angainsak blang.

Hibru 2:8

Deka omdue wan ka pula keniye dong moli ke imi e imaplau isak.” Pelengon ka wai ke elio ka Ida Tapolngon due wan ka pula keniye dong moli ke itosep lana ine langane. Wan ka pula keniye tidong moli ke itosep e wan silang blang dong kovok. E dau oku ane imavati wan ka pula keniye tidong moli ke itosep kovok. Aurou.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

2 Jon 1:9

Langka gute gesa kis Krais ila pelengon dagar kovok e didi pelengon silang iye dong kap Ida Tapolngon kovok. E gute ka kis Krais ila pelengon dagar vala dong kap Pmada e Otno Arang.