Luk 10:2 - Aria New Testament

² E iye wai ke isak langane. “Ngangon pula ka anino dong ke yage e osep awal boto vala tidong ka tikaranga tidue ngangon tonari. Umepmi Upu Puda ka plau ivungon ma iye pagei osep bokongon ina isak kla tidue ngangon tonari.

Luk 10:2 ပူးပေါင်းရင်းမြစ်များ

Matyu 20:1

Yesus wai pelengon ano langane. “Omur heven ka Ida Tapolngon plaue dong langane. Ke oklou kene ke 6 kilok ke kotkotu gute gesa la ke bilmu e waiki due osep ma tiboko ke ila yage galou wain ina.

Mak 13:34

Elio ka mase ma polou iye langka gute ka due ila langan ke omur ka mawa ka iye waiki dong dau tauni ine. Alo ka iye waiki songon ila ninu la iye wai ke ila wokboi nating ke bokongon bitna bitna ka iye waiki tidue. E iye kar pelengon ke gute ka plau ila ninu ina ekreng bitna ma iye plaue itau.

Mak 16:15

Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye.

Mak 16:20

Deka ila disaipel isak kla ke omur ka pula keniye e tinapapra ke osep pula. Deka Ida Puda lua isak ke ila arit e tidue elio arit ina. Deka osep ka tivati elio arit ina ka tidue tile omur urok pelengon lokono. Itau.

Luk 9:1

Yesus gi ila disaipel songotno orwo ma tiduni pulu e iye kar arit ke isak ma tikaranga tisapir angelo soulu e tidue osep ka tipaia tipolou itau blang.

Aposel 11:19

Alo ari osep tidue burwa ke Stiven kodong e tidue agegeng pula ke osep ka aitno lisak dagar ke Yesus blang. Deka ke batne langane osep ka aitno lisak dagar ke Yesus tidardar kla ke omur Fonisia e aidunu Saiprus e armok Antiok. Alo ari tinapapra Yesus ila omon itau ke osep Yuda ina vala. E tinapapra kovok ke osep ka isak osep Yuda ina kovok.

Aposel 13:2

Alo ka tiduni pulu tiwai itau ke Ida Puda e tikakai angaine tito la egim. E silang tipli inarak ngangon kesua tiwaiki aitno lisak la ke Ida Tapolngon vala. Deka ari Ano Itau wai ke isak langane. “Umerere Barnabas e Sol ma tiboko ke bokongon ka ngarere ke isak.”

Aposel 13:4

Ida Tapolngon Ano Itau pagei isak deka tiduru kla e tipolou ke armok Selusia. Deka tidue sip gesa e tisongon Selusia e isak kla ke aidunu Saiprus.

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Aposel 22:21

Ngakoli Ida Puda ila pelengon langane deka iye wai ke ngong blang langane. ‘Aurou. Amla. Ngapagei wom amla ke osep ka isak osep Yuda ina kovok ka tidong ke omur ka mawa.’”

Aposel 8:4

Ari osep ka aitno lisak dagar ke Yesus tidardar kla tilila ke omur pula batne ke agegeng tonari e tinapapra Ida Tapolngon ila pelengon ke osep.

1 Korin 12:28

E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

1 Korin 15:10

E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Filipai 2:21

Osep leklou aitno lisak vri ke isak kensak kensak e aitno lisak mter langka tidue Yesus Krais ila bokongon kovok.

Filipai 2:25

E aitno lungong mter langka ma ngapagei udo aten Epafroditus iding ke umu blang. Iye sudo gesa e iye boko kap ngong e imogosok imoboko pulu langka osep ola ina ke Ida Tapolngon ila bokongon. Oglou umapagei iye me ma iye lua ngong.

Filipai 2:30

Oglou umakaranga umolua ngong ke lou bokongon kovok e umapagei iye ma iye me lua ngong. Iye pli tarna e lua ngong ke Krais ila bokongon e isuk boto iye mete kodong ine. E umodue anit ke iye batne ke ila elio tonari.

Kolosi 1:29

Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

1 Tesalonaika 2:9

Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.

1 Tesalonaika 5:12

Sipmi. Imekel umu langane. Umodue anit ke osep ka tiboko kap umu. Ida Puda rere isak ma timgo ke umu e tiparere umu ke Ida Tapolngon ila pelengon.

2 Tesalonaika 3:1

Sipmi. Ngababrum lou pele-ngon langane. Ngawaiki umawai itau ke Ida Tapolngon ma iye lua imi. Ma Ida Puda ila omon itau kes lila suong ke omur omur. E osep aitno lisak la dagar ine eriar langka aitno lumu la dagar ine.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

2 Timoti 4:5

E wom Timoti aitno lugom mter itau ke pelengon itau e emvri dagar alo ka elio polou ka opru wom. Aling aling amnapapra omon itau ke osep e ambabrum bokongon ka Ida Tapolngon kare ke wom.

Filemon 1:1

Ngong Pol e ngadong ke kalabus ane kesua batne ngaboko ke Krais Yesus ila bokongon. Ngong imorwo Timoti imosogo pas ane uti ke wom Filemon. Wom limem aten lokono e omdue bokongon eriar langka imi.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Pelengon kukwopngon 2:1

Gute tonari wai langane. “Omsogo pelengon ke ensel ka dong ke sios ke Efesus. Pelengon tonari langane. Gute ka kis gigimo lumorwo ke limla odung e lila airavu ke wan lumorwo ka lam tidong ine ka tidue ke gol wai langane.