Luk 10:11 - Aria New Testament

¹¹ ‘Imasak lumu armok ina taklak ina group ka dong ke kepmi la langka nisngen ke lumu elio soulu. E dau imawaiki umeile langane. Elio ka Ida Tapolngon plau osep polou olwo boto ke umu kodong.’

Luk 10:11 ပူးပေါင်းရင်းမြစ်များ

Matyu 10:14

Langka gute gesa aitno itau ke umu koke lumu pelengon kovok io umosongon ila ninu koke ila armok ari. E alo ka umosongone umasak group ke kopmu. Umodue elio tonari ma umenis isak ke urok elio soulu.

Matyu 10:7

Alo ka umelila umanapapra omon langane. ‘Omur ka Ida Tapolngon plaue isuk boto polou.’

Matyu 3:2

“Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Mak 6:11

Langka umala umopolou ke armok gesa ka ina osep tidue umu umesep ke urok ninu kovok e tipono aitno lisak ke lumu pelengon deka umosongon isak e umala ke armok silang blang. Alo ka umosongon armok ka due elio langane deka umasapirpir taklak ina group ka dong ke lumu su. Umodue elio langane kesua batne ma umenis osep tonari ke urok elio soulu ka tiwaiki tiklingen Ida Tapolngon ila pelengon kovok.”

Luk 10:10

E alo ka umesep ke armok gesa e aitno lisak itau ke umu kovok deka umevri ke ekreng ke armok e umawai ke isak langane.

Luk 10:9

Umodue osep ka tipaia ke armok are tipolou itau blang e umapalongo urok langane. ‘Elio ka Ida Tapolngon plau osep polou olwo boto ke umu kodong.’

Luk 9:5

E langka umopolou ke armok gesa e osep tipli umu deka alo ka umosongon armok tonari umasak taklak ina group ke kopmu. E elio ane nisngen ke urok elio soulu.”

Aposel 13:26

­E Pol dau wai ke isak langane. “Sipmi. Umu ka Abraham ila osua e umu leklou ka aitno lumu dagar ke Ida Tapolngon umoklingen lou pelengon ane. Ida Tapolngon pagei ila pelengon me ke ite kodong ka parere ite ke elio ka lua ite ke udo elio epmes ina.

Aposel 13:40

Osep umeile umu itau lama elio polou ke umu langka oglou osep napaprangan ina tisogo ine.

Aposel 13:46

Deka Pol orwo Barnabas tilim ke isak kovok e tiwai dagar ke isak langane. “Mgongon imawai Ida Tapolngon ila pelengon ke umu ka osep Yuda ina. E umoklingen ine deka umopul dogur ine e umeplie. Deka eknikane imala ke osep ka isak osep Yuda ina kovok. Imodue langane kesua umepli Ida Tapolngon ila pelengon. Umawaiki Ida Tapolngon lua umu kovok e kar umu lumu mosongon ka dong vala dong kovok.

Aposel 13:51

Deka Pol orwo Barnabas tisak taklak ina group ka dong ke kamsak ke isak. Are nisngen gesa ke osep tonari ma tile omur urok elio soulu. Deka isak kla ke armok Aikoniam.

Pas ka Pol sogoe uti la ke osep Rom ina 10:21

E iye wai blang langane. “Ida Tapolngon wai ke osep Israel ina langane. ‘Oglou kodong ngawaiki aitno lite epen pulu e dau umopul dogur ke ngong e talapmu klingen lou pelengon kovok.’”

Pas ka Pol sogoe uti la ke osep Rom ina 10:8

Kesua osep ka tisogo Ida Tapolngon ila pelengon tisogo langane. “Ida Tapolngon ila pelengon ka due aitno lite ila dagar la dagar ke iye dong mawa ke ite kovok. Aurou. Itawai ine e iye dong ke aitno lite blang.” E pelengon ka imanapapra ine pelengon tonari.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.