Luk 1:35 - Aria New Testament

³⁵ Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 1:35 ပူးပေါင်းရင်းမြစ်များ

Matyu 1:18

Yesus Krais ina divirngen ina basikngen langane. Osep tiwai ma tna Maria e Josep tigi. Tigi dau kovok e osep tiklingen Maria somugu kodong. E Ano Itau due Maria somugu.

Matyu 1:20

E Josep aitno dau mter ine e iye munu kudung ano e Ida Tapolngon ila ensel polou ke iye e wai langane. “Josep wom ka Devit ila napakngan omulou ma emgi Maria kovok. Aurou. Kesua iye somugu batne ke Ano Itau.

Matyu 14:33

E osep ka tidong ke bot tilotuim iye e tiwai langane. “Lokono wom Ida Tapolngon Otno Arang.”

Matyu 27:54

E alo ka gute ka plau osep ola ina bunokene e osep ola ina leklou ka tidong tiplau Yesus kap iye tivati orgi e wan ka polou aitno lisak nesik omba e tiwai langane. “Lokono gute ane Ida Tapolngon Otno Arang.”

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Mak 1:1

Pelengon ane nogrum wai ke omon itau ka la ke Ida Tapolngon Otno Arang Yesus Krais.

Mak 1:24

“Yesus ka Nasaret ina wom lange wom ka omo omdong are? Omo ma ampaiavu imi? Ngaile omur ke wom. Wom Ida Tapolngon Otno Arang itau ka iye pagei wom omo.”

Luk 1:27

Iye la ke apmang ka due elio kap gute dau kovok ka angaine Maria. Osep tiwai kodong ma Maria gi gute ka angaine Josep ka dong ke Devit ila osua.

Luk 1:34

E Maria koli wai ke ensel langane. “Lange ka wan ka amwai ke ngong ine karanga polou kesua ngong dau ngadue elio kap gute kovok e silang blang lou boget dong kovok?”

Luk 1:36

Emklingen. Silang lem adou Elisabet ka lapun kodong somugu e ma divir mimi. Apmang tonari ka osep tisir iye opon dong ke taiko lumakene ina ke ila somugungon.

Jon 1:34

E ngavati elio ane e ngapalongo lumu gute ane iye Ida Tapolngon Otno Arang.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Pas ka Pol sogoe uti la ke osep Rom ina 1:4

Mase iye me dong kap itosep. Alo ka iye dong kap ite Ano Itau dong ke aitno. Iye dong la lama iye mete deka osep tiyas iye ke ina denga e iye munu ine. Mase Ida Tapolngon didi ila arit e due poga tito e dong blang. Ila baulukngon nis itosep Ida Puda Yesus Krais iye tona Ida Tapolngon Otno Arang lokono.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Efesus 2:3

Oglou ite blang itodong kap osep tonari e itodong soulu eriar langka isak tidong soulu. E itedidi aitno lite oglou ina e itodue elio epmes ina bitna bitna ka aitno lite mter ine e pampamu lite waiki itodue. Deka itanamani ine kesua Ida Tapolngon aitno engil lite eriar langka aitno engil ke osep epmes ina keniye.

Hibru 4:15

Yesus udo gute loulou ina ka mgo e iye ile omur ke elio isuk isuk ka itakaranga itodue kovok. Alo ka Satan tok ite Yesus ile omur ke elio langane kesua oglou Satan tok iye eriar langka iye tok ite. Satan tok iye e dau iye due elio epmes ina kovok.