Luk 1:20 - Aria New Testament

²⁰ Emklingen. Aitno lugom dagar ke lou pelengon kovok deka ke batne ane oku ane ma amkaranga amwai kovok la lama wan ka ngawai ine polou lokono. E lou pelengon ma polou lokono alo ka Ida Tapolngon rere.”

Luk 1:20 ပူးပေါင်းရင်းမြစ်များ

Mak 16:14

Mase ila disaipel songotno kene tiduni pulu tidong lelei bota gesa ka tingen inarak ngangon ine. Deka Yesus me polou ke isak deka iluk isak kesua aitno lisak dagar ke ila baulukngon kovok e tingelek ine vala. Iye iluk isak kesua alo ka tiklingen pelengon ke osep ka tivati iye poga tito ke ina denga aitno lisak la dagar ke osep tonari urok pelengon kovok.

Mak 9:19

Yesus klingen gute tonari ila pelengon deka iye koli wai ke osep tonari langane. “Umu osua ka aitno lumu ila dagar la dagar lokono ke Ida Tapolngon kovok. Ma ngadong kap umu tauni e dau aitno lumu dagar ke ngong kovok i? Ma aitno lungong kro ke umu aling pula e dau aitno lumu dagar ke ngong kovok i? Umodue mimi me ke ngong.”

Luk 1:19

E ensel koli wai ke iye langane. “Ngong Gebriel e ngavri ke Ida Tapolngon bitna e iye pagei ngong ma ngawai ke wom e ngapalongo lem ke pelengon itau ane.

Luk 1:21

Alo ka Sekaraia wai ke ensel osep ka tidong tipara ke Sekaraia aitno lisak mter langane. “Ina lange iye dong tauni ke Ida Tapolngon ila ninu?”

Luk 1:22

Deka alo ka iye polou ke dogur iye karanga wai kovok. E tile iye vati ano alo ka iye dong ke Ida Tapolngon ila ninu. Iye due nisngen ke limla e dau iye karanga wai kovok.

Luk 1:45

E aitno lugom itau itau kesua aitno lugom dagar ma wan ka emklingen Ida Puda wai ine ma polou.”

Luk 1:64

Sekaraia sogo langane deka bale suong iye karanga wai blang e iye wai e kakai Ida Tapolngon angaine.

Pas ka Pol sogoe uti la ke osep Rom ina 3:3

Iye kar ila pelengon itau ke isak e osep Yuda ina leklou aitno lisak dagar ine kovok. Aurou. Tingelek ine vala. Aitno lumu lange? Osep ka tingelek Ida Tapolngon ila pelengon ma urok elio soulu due ila pelengon dong adai koke aurou?

2 Timoti 2:13

Langka itawai ma itedidi Krais e mase itabauluk aitno lite e itedidi udo pelengon tonari kovok iye dau didi ila pelengon. Kesua iye karanga bauluk e dar ila pelengon kovok.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

Pelengon kukwopngon 3:19

Ngong lana ngong ke osep deka ma nganis isak ke urok elio soulu e ma ngamosi urok elio soulu. Deka ma umoboko engil lokono e umabauluk aitno lumu ke lumu elio epmes ina.’”