Kolosi 4:8 - Aria New Testament

⁸ Ngapagei iye la ke umu ma iye karanga palongo lumu ke limem mosongon e ma iye due aitno lumu dong itau.

Kolosi 4:8 ပူးပေါင်းရင်းမြစ်များ

1 Korin 4:17

E ngapagei gute Timoti uti ke umu. Iye langka erigu e aitno lungong itau lokono ke iye e iye didi Ida Puda ila pelengon keniye. Ma iye sruk aitno lumu ke elio ka ngadue kesua nganeklep ke Krais. Elio ka langka nganapapra Yesus ila osep ke sios pula e ke armok ka pula keniye ma tididie.

2 Korin 1:4

Iye lua imi ke elio ka polou ka opru imi ma imakaranga imolua osep leklou ke elio ka polou ka opru isak. Imolua isak ke elio ka Ida Tapolngon lua imi ine.

2 Korin 12:18

Oglou ngawai dagar ke Taitus e ke sudo leklou blang ma isak kla ke umu. Aitno lumu lange? Taitus wai dikngen ke umu e due lumu wan? Aurou. Umeile ngong e Taitus aitno limi kene e imodue elio eriar.

2 Korin 2:7

E silang oku ane ma umasak ila elio epmes ina e umodue mada ke iye. Lama aitno kro lokono ke ila elio e iye karanga ine kovok.

Efesus 6:22

Ngavai iye ma iye uti polou ke umu ma umeile omur ke imi. Ngawaiki iye palongo lumu ke limem mosongon ma ila pelengon due aitno lumu tipolou dagar lokono.

Filipai 2:28

Deka ngawaiki ngapagei iye iding ke umu ma alo ka umavati iye blang aitno lumu neser ke iye. E ma elio ka aitno lungong kro ine yagos.

Kolosi 2:2

Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

1 Tesalonaika 2:11

Umeile imodue elio itau ke umu kenmu kenmu eriar langka gute due ke titno. Imawai pelengon ka sruk aitno lumu e ka due aitno lumu dong itau. E imakar umu pelengon ma umodong itau.

1 Tesalonaika 3:2

E imapagei Timoti la ke umu. Timoti iye limen aten e boko kap imi ke Ida Tapolngon ila bokongon ka imanapapra omon itau ka la ke Krais ke osep. Imapagei iye uti lumu ma iye due umu umevri dagar e aitno lumu ila dagar dong dagar.

1 Tesalonaika 3:5

Ke batne langane ngakaranga ngapara kovok. E ngapagei Timoti la ke umu ma ngaile omur langka aitno lumu ila dagar dau dong dagar koke aurou. Lama Satan polou ke umu e tok umu kodong e umosongon aitno lumu ila dagar e limem bokongon ke umu polou adai.

1 Tesalonaika 4:18

Deka ngawai langane. Sipmi. Umawai pulu ke pelengon ane ma due aitno lumu dong dagar ine e aitno lumu kro kovok.

1 Tesalonaika 5:11

E umawai pelengon itau pulu ka due aitno lumu dong dagar e umolua pulu ine. Eriar langka eknikane umodue.

1 Tesalonaika 5:14

Sipmi. Imawai dagar ke umu ma umodue langane. Umawai ke osep ropo bitna ma tidue elio langane sakam e tiboko vala. E umolua osep leklou ka tilim ke wan bitna bitna ma tilim kovok. E umolua osep ka aitno lisak dau dagar kovok ma tipolou dagar. E umawai molil e umodue mada ke osep ka pula keniye.

2 Tesalonaika 2:17

E ngawaiki iye due aitno lumu tipolou dagar lokono e lua umu ma aling aling umodue elio isuk isuk ka itau e umawai pelengon ka itau vala.