Kolosi 4:5 - Aria New Testament

⁵ Alo ka umodong airavu ke osep epmes ina umeile umu itau ma umodue elio itau vala. Umodong umaplau umu itau ma umakaranga umodue elio itau ka nis isak ke aitno lumu ila dagar.

Kolosi 4:5 ပူးပေါင်းရင်းမြစ်များ

Matyu 10:16

“Ngapagei umu ke osep e umodong langka sipsip titno e tidong langka gemle kevena. Aitno lumu mter itau ke wan bitna bitna langka mota aitno mter e ile itau ke wan e umodue elio molil molil langka belis.

Mak 4:11

Deka iye wai ke isak langane. “Osep pula tile pelengon ano lana ine kovok. E ma ngakere pelengon tonari ka kukwop ka la ke alo ka Ida Tapolngon plau osep lana ine ke umu. Ma umeile omur ine itau.”

Pas ka Pol sogoe uti la ke osep Rom ina 16:19

Umedidi Ida Tapolngon ila pelengon e osep ka pula keniye tiklingen ke lumu elio kodong. E aitno lungong itau lokono ke umu. E ngawaiki ma umeile itau lokono ke elio itau e ma umepli elio soulu.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

1 Tesalonaika 4:12

Umoboko langane deka lumu wan bitna bitna tidong e ma umepmi osep leklou ma tilua umu kovok. E silang blang osep ka tidong dogur ke sios ma tidue anit ke umu kesua lumu elio itau.

1 Timoti 3:7

Langka osep ka tidong ke dogur aitno lisak itau ke gute gesa iye karanga polou plaungan gesa. E langka gute dong langane kovok ane langka iye sin ke Satan ila omdu e ina mnakngan omba.

Jems 1:5

E dau langka gute gesa ke umu karanga ile itau ke wan kene kovok ma iye pmi Ida Tapolngon ine e Ida Tapolngon ma kar ilengen ke gute tonari. Aling aling Ida Tapolngon kar ilengen omba ke osep ka tipmi iye ine e aitno soulu ke pmingen tonari kovok.

Jems 3:13

Gute gesa dong kap umu ka aitno mter itau ke elio bitna bitna e ila ilengen itau koke aurou? Langka gute langane dong kap umu ma iye due elio isuk isuk ka itau e iye pes iye tona. Deka osep ka tivati iye ma tile gute tonari ile omur itau.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

1 Pita 3:1

E umu apmang umeini lumu soboget urok pelengon. E ngaile isak leklou aitno lisak dagar ke Ida Tapolngon ila pelengon kovok. E dau umeini isak ma tivati lumu elio itau e lumu elio itau mter aitno lisak ma aitno lisak la dagar ke Ida Tapolngon.