Kolosi 4:3 - Aria New Testament

³ Alo ka umawai itau umepmi Ida Tapolngon ke imi blang ma iye due ekreng ma imakaranga imanapapra ila pelengon ka oglou dong kukwop ka lana ine la ke Krais. Nganapapra ila pelengon e ke batne langane ngadong ke kalabus ane.

Kolosi 4:3 ပူးပေါင်းရင်းမြစ်များ

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Aposel 14:27

Tipolou ke Antiok kodong deka tiduni pulu kap Ida Tapolngon ila osep e tipalongo urok ke bokongon ka Ida Tapolngon lua isak ine. Tiwai langane. “Ida Tapolngon due elio itau ke osep ka isak osep Yuda ina kovok deka aitno lisak la dagar ke iye blang.”

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

1 Korin 16:9

Kesua Ida Tapolngon kar bokongon omba ke ngong. E iye waiki ngadue bokongon tonari ma ngalua osep pula ma tipolou osep Kristen. E silang blang osep pula aitno lisak soulu ke lou bokongon e tiwaiki tidangdang ngong ine.

1 Korin 4:1

Aitno lumu mter ke imi langane. Imi Krais ila osep boko-ngon ina. E imoboko ma imaplau Ida Tapolngon ila pelengon ka kukwop.

2 Korin 2:12

Oglou alo ka ngapolou ke Troas ma nganapapra Krais ila omon itau Ida Puda klok ekreng kodong ma ngadue bokongon tonari.

Efesus 3:1

Ngong Pol nganapapra Ida Tapolngon ila omon itau ke umu ka osep Yuda ina kovok. Deka osep Yuda ina leklou aitno lisak engil lokono ke ngong ine e tidue ngong ngadong ke kalabus ane. Ngadong ine e ngawai itau ke Ida Tapolngon ma iye lua umu.

Efesus 3:3

Deka iye due aitno lungong ma ngaile omur ke wan ka iye laloe ke oglou e iye palongo osep ine kovok. Ngasogo ke wan ka iye laloe tonari sasi boto ke pas ane.

Efesus 3:4

Langka umedidi pelengon ka dong ke pas ane ma umeile omur ke wan ka iye laloe ka langane. Ma umeile omur Ida Tapolngon due aitno lungong mgo. E ngaile omur ke pelengon lokono ka oglou osep tile ine kovok. E Krais due polou lokono kodong.

Efesus 3:9

Oglou ari Ida Tapolngon due wan bitna bitna keniye ka tidong. Alo ari pelengon leklou polou malak kovok. Iye bisi ine ke aitno vala e osep tile ine kovok. E pelengon tonari dong ke iye vala. E eknikane langane. Ida Tapolngon rere ngong ma nganapapra ila pelengon tonari. Kesua iye waiki osep tile omur ke elio ka iye due kodong e waiki pelengon tonari polou malak ke osep.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

Filipai 1:19

Aitno lungong neser kesua ngaile lumu pmingen itau e Yesus Krais Ano ila luangan ma lua ngong ma ngasongon kalabus ane.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

Kolosi 1:26

Ke oglou pelengon tonari dong kukwop e osep ka pula keniye tile ine kovok. E eknikane iye polou malak kodong ke Ida Tapolngon ila osep.

Kolosi 4:18

Ngong Pol ngasogo pas ane e ngawai “oklou itau” ke umu. Aitno lumu mter ke elio ka ngadong ke kalabus ane. Ngawaiki Ida Tapolngon ila makaingan dong kap umu.

1 Tesalonaika 5:25

Sipmi. Ma umepmi Ida Tapolngon ma iye lua imi.

2 Timoti 1:16

Ngawaiki Ida Puda due mada ke gute Onesiforus kap ila osua kesua aling pula iye lua ngong e due aitno lungong dong itau. E silang blang ngadong ke kalabus e iye mnak iye ke ngong kovok.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.

Filemon 1:22

E lou pelengon silang blang langane. Aling aling umawai itau ke Ida Tapolngon ke ngong kodong e ke batne langane aitno lungong mter langka isuk boto ma ngasongon kalabus e ngapolou ke umu. Deka emkere eliang ke lem ninu ma ngamunu ine.